شىمكەنتتە ەسىرتكى تاسىمالداعان جىگىت 4 جىلعا سوتتالدى

1251
Adyrna.kz Telegram
فوتو: Opennews.kz
فوتو: Opennews.kz

شىمكەنتتە اسا ءىرى مولشەردە ەسىرتكى تاسىمالداعان جىگىت سوتتالدى، دەپ حابارلايدى «ادىرنا» ۇلتتىق پورتالى Polisia.kz سايتىنا سىلتەمە جاساپ.

ەڭبەكشى اۋداندىق پوليتسيا باسقارماسىنىڭ قىزمەتكەرلەرىمەن قالا اۋماعىندا ەسىرتكى زاتتارىن تاسىمالداۋ كۇدىگى بويىنشا 25 جاستاعى جىگىتتى توقتاتقان بولاتىن. جەدەل-تەرگەۋ توبىنىڭ قىزمەتكەرلەرى ەر ادامنىڭ جەكە باسىن تەكسەرۋ بارىسىندا ەسىرتكىگە ۇقساس زاتتار سالىنعان 101 وراما تاركىلەدى.

ساراپتاما قورىتىندىسى الىنعان زاتتاردىڭ اسا ءىرى مولشەردەگى مەفەدرون پسيحوتروپتىق زاتى ەكەنىن راستادى.

پوليتسيا قىزمەتكەرلەرى اتالعان جايتتى قر قك-ءنىڭ 296-بابى 4-بولىگى (اسا ءىرى مولشەردەگى ەسiرتكi, پسيحوتروپتىق زاتتاردى، سول تەكتەستەردى وتكىزۋ ماقساتىنسىز زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ) بويىنشا تىركەپ، تەرگەۋ امالدارىن جۇرگىزدى.

اتقارىلعان جۇمىستاردىڭ ناتيجەسىندە تەرگەۋشىلەر كۇدىكتىنىڭ كىناسىن تولىق دالەلدەپ، قىلمىستىق ءىس-بويىنشا جيناقتالعان قۇجاتتار مەن ايعاقتاردى سوتقا جولدادى.

سوت شەشىمىمەن جەرگىلىكتى تۇرعىن 4 جىل مەرزىمگە باس بوستاندىعىنان ايىرىلدى.

«ادىرنا» ۇلتتىق پورتالى

پىكىرلەر