پەتروپاۆلدا ينجەنەرلىك جەلىلەردىڭ ىستەن شىعۋى سالدارىنان ونداعان ءۇي جىلۋسىز قالدى، دەپ حابارلايدى "ادىرنا" ۇلتتىق پورتالى Petropavlovsk.news-كە سىلتەپ.
«24 قاڭتاردا «پەتروپاۆل جىلۋ جەلىلەرى» جشس نۇرسۇلتان نازارباەۆ كوشەسى، 154 جانە كازاحستانسكايا پراۆدا كوشەسى، 118 مەكەنجايلارىنداعى تۇرعىن ۇيلەر اۋدانىنداعى جىلۋ جەلىسىنىڭ ۋچاسكەسىنىڭ زاقىمدانعانىن انىقتادى. 6 ادامنان تۇراتىن جەدەل بريگادا جۇمىس ىستەي باستادى. ءتورت ارنايى تەحنيكا جۇمىلدىرىلدى. جوندەۋ جۇمىستارى كەزىندە تومەندەگى مەكەنجايلار بويىنشا جىلۋ بەرۋ شەكتەلەدى: جۇماباەۆا كوشەسى، 116, 107, 109, 118, ن.نازارباەۆ كوشەسى، 117, 136, 138, 154, 156, 156ا، 158, 132, 134, 130, كازاحستانسكايا پراۆدا كوشەسى، 118, اباي كوشەسى، 30, 34, 40, 31, 33, 35, 25, 52, 52ا، 25ا، 33ا، بوستاندىق كوشەسى، 11, 13, 16 ا، ينتەرناتسيونالنايا كوشەسى، 30, 32 ا، ، 34, پيونەرسكايا كوشەسى 3, 7, 9, 10, 20, 34, سوۆەتسكايا كوشەسى، 53, 54ا، پۋشكين كوشەسى، 95 ا»
جۇمىس كەشكى 20:00-گە دەيىن جالعاسادى دەپ كۇتىلۋدە.
«پەتروپاۆل جىلۋ جەلىلەرى» جشس باسشىسى ۆيتالي حولوشانىڭ تۇسىندىرۋىنشە، اپات 1970 جىلداردان بەرى جۇمىس ىستەپ تۇرعان قۇبىر ۋچاسكەسىندە بولدى. 2020 جىلدان بەرى اعىمداعى جوندەۋ جۇمىستارى كەزىندە بۇل جىلۋ ماگيسترالىنىڭ شامامەن ۇشتەن ەكىسى اۋىستىرىلدى. الايدا اپات ءدال قۇبىردىڭ ەسكى بولىگىندە بولعان. جىلۋ ماگيسترالى 60-قا جۋىق ءۇيدى جىلۋمەن قامتاماسىز ەتىپ وتىر، الايدا اپاتتىڭ سالدارىن جويۋ بارىسىندا كەيبىر ۇيلەر باسقا جىلۋ جەلىلەرىنە اۋىستىرىلدى. «پەتروپاۆل جىلۋ جەلىلەرى» كاسىپورنى ديرەكتورىنىڭ ايتۋىنشا، اپاتتى جويۋعا ەكى ساعاتتاي ۋاقىت قاجەت»، - دەلىنگەن حابارلامادا.
