Petropavlda ınjenerlik jelilerdiń isten shyǵýy saldarynan ondaǵan úı jylýsyz qaldy, dep habarlaıdy "Adyrna" ulttyq portaly Petropavlovsk.news-ke siltep.
«24 qańtarda «Petropavl jylý jelileri» JShS Nursultan Nazarbaev kóshesi, 154 jáne Kazahstanskaıa pravda kóshesi, 118 mekenjaılaryndaǵy turǵyn úıler aýdanyndaǵy jylý jelisiniń ýchaskesiniń zaqymdanǵanyn anyqtady. 6 adamnan turatyn jedel brıgada jumys isteı bastady. Tórt arnaıy tehnıka jumyldyryldy. Jóndeý jumystary kezinde tómendegi mekenjaılar boıynsha jylý berý shekteledi: Jumabaeva kóshesi, 116, 107, 109, 118, N.Nazarbaev kóshesi, 117, 136, 138, 154, 156, 156A, 158, 132, 134, 130, Kazahstanskaıa pravda kóshesi, 118, Abaı kóshesi, 30, 34, 40, 31, 33, 35, 25, 52, 52a, 25a, 33a, Bostandyq kóshesi, 11, 13, 16 a, Internaıonalnaıa kóshesi, 30, 32 A, , 34, Pıonerskaıa kóshesi 3, 7, 9, 10, 20, 34, Sovetskaıa kóshesi, 53, 54a, Pýshkın kóshesi, 95 a»
Jumys keshki 20:00-ge deıin jalǵasady dep kútilýde.
«Petropavl jylý jelileri» JShS basshysy Vıtalıı Holoshanyń túsindirýinshe, apat 1970 jyldardan beri jumys istep turǵan qubyr ýchaskesinde boldy. 2020 jyldan beri aǵymdaǵy jóndeý jumystary kezinde bul jylý magıstraliniń shamamen úshten ekisi aýystyryldy. Alaıda apat dál qubyrdyń eski bóliginde bolǵan. Jylý magıstrali 60-qa jýyq úıdi jylýmen qamtamasyz etip otyr, alaıda apattyń saldaryn joıý barysynda keıbir úıler basqa jylý jelilerine aýystyryldy. «Petropavl jylý jelileri» kásiporny dırektorynyń aıtýynsha, apatty joıýǵa eki saǵattaı ýaqyt qajet», - delingen habarlamada.
