تۇركىمەن حالقىنىڭ ۇلتتىق كوشباسشىسى، تۇركىمەنستان حالىق ماسلاحاتىنىڭ توراعاسىت گۋربانگۋلى بەردىمۇحامەدوۆ ارقاداگ قالاسىنا جۇمىس ساپارى بارىسىندا رەسەي كينولوگيا فەدەراتسياسىنان كەلگەن قۋانىشتى حاباردى جەتكىزدى. تۇرىكمەن الابايى «اق دوس» (اقدۋس) «ورتالىق ازيا شوپان ءيتى» تۋرنيرىندە ەكى باعىت بويىنشا ماراپاتتالدى، دەپ حابارلايدى “ادىرنا” ۇلتتىق پورتالى.
تۇركىمەن حالقىنىڭ ۇلتتىق كوشباسشىسىنىڭ ايتۋىنشا، 2024 جىلعى 15-17 قاڭتاردا قازان قالاسىندا «ورتالىق ازيا شوپان يتىنەن» رەسەي كينولوگيا فەدەراتسياسىنىڭ چەمپيوناتىنىڭ جەڭىمپازدارىن ماراپاتتاۋعا ارنالعان مەرەكەلىك شارا ءوتتى. جەڭىمپازدار اسىل تۇقىمدى، سۇلۋلىق جانە تاپسىرمانى ورىنداۋ داعدىلارى نەگىزىندە تاڭدالدى.
2024 جىلدىڭ 15 قاڭتارىندا تۇرىكمەن الابايى «اق دوس» اسىل تۇقىمدىلىق پەن سۇلۋلىق ءۇشىن العاشقى ماراپاتتى الدى. ورتاازيالىق شوپان يتتەردىڭ بويى، سالماعى، قۇرىلىسى جانە جالپى قابىلدانعان تالاپتارعا سايكەستىگى باعالانعان.
ال 2024 جىلى 17 قاڭتاردا تۇسىنىگى مەن ويشىلدىعى ءۇشىن ماراپاتقا يە بولدى. چەمپيوناتقا بارلىعى 200-گە جۋىق يت قاتىستى.
«اق دوس» رەسەيدىڭ ءارتۇرلى قالالارىندا وتكەن بىرنەشە كورمەلەر مەن بايقاۋلارعا قاتىسىپ، ادىلقازىلاردىڭ جوعارى باعاسىنا يە بولىپ، تاجىريبە جيناقتادى.
«تۇركىمەن الاباي قاۋىمداستىعىنىڭ بارلىق مۇشەلەرىن جوعارى ماراپاتتارىمەن قۇتتىقتايمىن جانە ءوز اتىمنان الداعى ۋاقىتتا دا تابىستار تىلەيمىن»، - دەدى گۋربانگۋلى بەردىمۇحامەدوۆ.
ەستەرىڭىزگە سالا كەتەيىك، «اق دوس» الابايىن 2021 جىلى احالتەكە جانە «تۇركىمەن الابايى» حالىقارالىق قاۋىمداستىقتارىنىڭ پرەزيدەنتى سەردار بەردىمۇحامەدوۆ تاتارستان باسشىسى رۋستام ميننيحانوۆقا سىيلاعان بولاتىن.
