Túrkimen halqynyń ulttyq kóshbasshysy, Túrkimenstan Halyq Maslahatynyń tóraǵasyt Gýrbangýly Berdimuhamedov Arqadag qalasyna jumys sapary barysynda Reseı kınologııa federaııasynan kelgen qýanyshty habardy jetkizdi. Túrikmen alabaıy «Aq dos» (Aqdýs) «Ortalyq Azııa shopan ıti» týrnırinde eki baǵyt boıynsha marapattaldy, dep habarlaıdy “Adyrna” ulttyq portaly.
Túrkimen halqynyń ulttyq kóshbasshysynyń aıtýynsha, 2024 jylǵy 15-17 qańtarda Qazan qalasynda «Ortalyq Azııa shopan ıtinen» Reseı kınologııa federaııasynyń chempıonatynyń jeńimpazdaryn marapattaýǵa arnalǵan merekelik shara ótti. Jeńimpazdar asyl tuqymdy, sulýlyq jáne tapsyrmany oryndaý daǵdylary negizinde tańdaldy.
2024 jyldyń 15 qańtarynda túrikmen alabaıy «Aq dos» asyl tuqymdylyq pen sulýlyq úshin alǵashqy marapatty aldy. Ortaazııalyq shopan ıtterdiń boıy, salmaǵy, qurylysy jáne jalpy qabyldanǵan talaptarǵa sáıkestigi baǵalanǵan.
Al 2024 jyly 17 qańtarda túsinigi men oıshyldyǵy úshin marapatqa ıe boldy. Chempıonatqa barlyǵy 200-ge jýyq ıt qatysty.
«Aq dos» Reseıdiń ártúrli qalalarynda ótken birneshe kórmeler men baıqaýlarǵa qatysyp, ádilqazylardyń joǵary baǵasyna ıe bolyp, tájirıbe jınaqtady.
«Túrkimen Alabaı qaýymdastyǵynyń barlyq múshelerin joǵary marapattarymen quttyqtaımyn jáne óz atymnan aldaǵy ýaqytta da tabystar tileımin», - dedi Gýrbangýly Berdimuhamedov.
Esterińizge sala keteıik, «Aq dos» alabaıyn 2021 jyly Ahalteke jáne «Túrkimen alabaıy» halyqaralyq qaýymdastyqtarynyń prezıdenti Serdar Berdimuhamedov Tatarstan basshysy Rýstam Mınnıhanovqa syılaǵan bolatyn.
