الماتى وبلىسىنداعى قاراساي اۋدانىندا ۆولونتەرلەر يتتەر قامالعان عيمارتتى تاپقان. بۇل تۋرالى جەلىدە ۆيدەو تارادى، دەپ حابارلايدى “ادىرنا” ۇلتتىق پورتالى.
ولاردىڭ ايتۋىنشا، عيماراتتا بالتا مەن پىشاق، يتتەردى ىلۋگە ارنالعان ىلمەكتەر تابىلعان.
ەرىكتىلەر بۇل عيماراتتى يتتەردى سويۋ ءۇشىن پايدالانۋى مۇمكىن ەكەنىن ايتادى. سەبەبى يتتەردىڭ كەسىلگەن باسى مەن اياقتارى دا تابىلىپتى. الەۋمەتتىك جەلىدە دابىل قاققان ولار پوليتسيادان شارا قابىلداۋدى سۇرادى.
اتالعان فاكتىنى الماتى وبلىسى قاراساي اۋدانى پوليتسيا باسقارماسى نازارعا الىپ، قر قك-ءنىڭ 316-بابى (جانۋارلارعا قاتىگەزدىك كورسەتۋ) بويىنشا قىلمىستىق ءىس تىركەدى.
ۆيدەونى تەلەگرام ارنامىزدان كورە الاسىز.
”ادىرنا” ۇلتتىق پورتالى
