ورالدا قالالىق سوت توراعاسى رۋسلان جۇماعۇلوۆ پارا الۋ كەزىندە قولعا تۇسكەن، دەپ حابارلايدى "ادىرنا" ۇلتتىق پورتالى.
بۇل اقپاراتتى ۇلتتىق قاۋىپسىزدىك كوميتەتى راستادى.
«قازاقستان رەسپۋبليكاسى قىلمىستىق كودەكستىڭ 366 (پارا الۋ) جانە 367 (پارا بەرۋ) بابىندا كوزدەلگەن قۇقىقبۇزۋشىلىق بەلگىلەرى بويىنشا سوتقا دەيىنگى تەرگەپ-تەكسەرۋ ءجۇرىپ جاتىر»، — دەلىنگەن قازاقپارات اگەنتتىگىنىڭ جولداعان رەسمي ساۋالىنا بەرىلگەن جاۋاپ حاتتا.
ۇقك اتالعان ىسكە قاتىستى وزگە دە اقپاراتتىڭ قىلمىستىق-پروتسەستىك كودەكستىڭ 201 بابىنىڭ 1 بولىگىنە سايكەس جاريالانبايتىنىن حابارلاعان.
بۇدان بولەك، سوت توراعاسىمەن بىرگە ەكى ادۆوكات ءادىل احمۋلدين مەن نۇرجىگىت فازىلعاليەۆ تە قولعا تۇسكەن. 1,5 ملن تەڭگە كولەمىندەگى پارا سوتتالعان ازاماتقا قاتىستى وڭ شەشىم قابىلداۋ ءۇشىن باعىتتالعان.
