الماتىدا جاسوسپىرىمدەردىڭ فۋدكورتتا جانە قالا ورتاسىندا مىنەز-قۇلقى الەۋمەتتىك جەلىدە قىزۋ تالقىلانۋدا، دەپ حابارلايدى "ادىرنا" ۇلتتىق پورتالى.
قالا تۇرعىندارىنىڭ ايتۋىنشا، بالالار ءدامحانا كەلۋشىلەرىنەن اقشا تالاپ ەتىپ، باس تارتقان جاعدايدا جانجال شىعارىپ، تاس پەن ورىندىق لاقتىرعان.
وقيعا تۋرالى Instagram پاراقشاسىندا ۆارۆارا ەسىمدى الماتىلىق تۇرعىن حابارلاعان. ول ۆيدەو سيپاتتاماسىندا:
"مىنا بالالارعا بۇل ويىن با؟ ۇستەلگە جايعاسىپ الىپ، اقشا تالاپ ەتە باستادى! تىم شەكتەن شىعىپ باراسىڭدار. بۇگىن بۇل جاعداي ەرەسەك ادام رەتىندە شەكارانى بىلەتىنىمىزدىكتەن عانا جاي جابىلا سالدى. بىراق كەلەسى جولى سەندەردىڭ بۇل ارەكەتتەرىڭە قاراپ قويىپ وتىرا بەرمەيتىن ادامدارعا كەزىگۋلەرىڭ مۇمكىن" – دەپ جازدى.
Threads جەلىسىنىڭ تاعى ءبىر قولدانۋشىسى دا ءدال وسى بالالار توبى قالا ورتالىعىندا وعان جانە ءوتىپ بارا جاتقان باسقا ادامدارعا شابۋىل جاساعانىن حابارلاعان.
"الماتى. قالانىڭ قاق ورتاسىندا نە بولىپ جاتىر؟ نەگە سىعاندار ماعان (جانە باسقا ادامدارعا) سەبەپسىز شابۋىل جاساي الادى؟ زاتتارىمىزدى تارتىپ الدى، ۇستىمىزگە سۋ شاشتى، تاس لاقتىرىپ، وزگە ادامداردى ۇرىپ-سوقتى" – دەيدى جازبا اۆتورى.
