قازاقستاندىق مەرگەندەر ازيا چەمپيوناتىندا ءۇش جۇلدەگە يە بولدى، دەپ حابارلايدى "ادىرنا" ءتىلشىسى.
كۋۆەيتتە ءوتىپ جاتقان ستەند اتۋدان ليتسەنزيالىق ازيا چەمپيوناتىندا قازاقستان قۇراماسى ءۇش مەدال جەڭىپ الدى.
قر ۇلتتىق وليمپيادالىق كوميتەتىنىڭ مالىمەتىنشە، قازاقستان جاستار كومانداسى «سكيت» جاتتىعۋى بويىنشا جاسوسپىرىمدەر اراسىندا ازيا چەمپيونى اتاندى. ال كوماندا قۇرامىندا ماكسيم پوچيۆالوۆ، راتمير ەنيكەەۆ پەن يليا پەنكوۆ ونەر كورسەتكەن.
"سكيت" جاتتىعۋى بويىنشا جاسوسپىرىمدەر اراسىنداعى جەكەلەي سىندا يليا پەنكوۆ قولا مەدالعا قول جەتكىزدى.
"سكيت" جاتتىعۋى بويىنشا قازاقستاننىڭ ايەلدەر قۇراماسى كوماندالىق جارىستا قولا جۇلدەنى قانجىلادى. كوماندا مۇشەلەرى اسەم ورىنباي، زويا كراۆچەنكو جانە ولگا پانارينا ۇشتىگى قۇرلىقتاعى ۇزدىكتەر قاتارىنان كورىندى.
