مەملەكەت باسشىسىنىڭ جارلىعىمەن الماتىداعى «اقكەنت» ىقشام اۋدانىندا بولعان ءورت كەزىندە ادام ءومىرىن ساقتاپ قالۋعا بايلانىستى قيىن-قىستاۋ جاعدايدا كورسەتكەن ەرجۇرەكتىگى مەن جانقيارلىعى ءۇشىن ءبىر توپ ازامات ماراپاتتالدى، دەپ حابارلايدى «ادىرنا» ءتىلشىسى.
اتاپ ايتساق، «ەرلىگى ءۇشىن» مەدالىمەن ماراپاتتالعاندار:
1) احمەتحانوۆ تىلەۋجان ساپارعاليۇلى – «Expo Masters» جشس مەنەدجەرى، الماتى قالاسى;
2) گيۋناي شيۋكريۋ – «سپارك ەلەكترومەحانيك» جشس ەلەكتريگى، الماتى قالاسى;
3) يسمايلوۆ ەلدار الەكساندروۆيچ – «سپارك ەلەكترومەحانيك» جشس ەلەكترومەحانيگى، الماتى قالاسى;
4) يەردەلەن حاليل – «GASK Construction» جشس اۆتوكران وپەراتورى، الماتى قالاسى;
5) مامەدوۆ كەنان باباۇلى – «سپارك ەلەكترومەحانيك» جشس ەلەكترومەحانيگى، الماتى قالاسى;
6) رومانوۆ ۆاديم اناتولەۆيچ – «Frank-Asia» جك اۆتوكران وپەراتورى، الماتى قالاسى.
ەسكە سالا كەتەيىك، 1 تامىز كۇنى الماتىنىڭ الاتاۋ اۋدانىندا ورنالاسقان كوپقاباتتى تۇرعىن ۇيدە ءورت شىققان ەدى. ءتىلسىز جاۋ ساعات 18:46 كەزىندە وقشاۋلانىپ، ءسوندىرىلدى. 31 ادام، ونىڭ ىشىندە 16 بالا اۋرۋحاناعا جەتكىزىلگەن بولاتىن. ءبىر ادام كوز جۇمدى.
ۇقساس جاڭالىقتار
