Qazaqstandyq mergender Azııa chempıonatynda úsh júldege ıe boldy, dep habarlaıdy "Adyrna" tilshisi.
Kýveıtte ótip jatqan stend atýdan lıenzııalyq Azııa chempıonatynda Qazaqstan quramasy úsh medal jeńip aldy.
QR Ulttyq olımpıadalyq komıtetiniń málimetinshe, Qazaqstan jastar komandasy «skıt» jattyǵýy boıynsha jasóspirimder arasynda Azııa chempıony atandy. Al komanda quramynda Maksım Pochıvalov, Ratmır Enıkeev pen Ilıa Penkov óner kórsetken.
"Skıt" jattyǵýy boıynsha jasóspirimder arasyndaǵy jekeleı synda Ilıa Penkov qola medalǵa qol jetkizdi.
"Skıt" jattyǵýy boıynsha Qazaqstannyń áıelder quramasy komandalyq jarysta qola júldeni qanjylady. Komanda músheleri Ásem Orynbaı, Zoıa Kravchenko jáne Olga Panarına úshtigi qurlyqtaǵy úzdikter qatarynan kórindi.
