"ەكسترەميستىك" ماقالا بويىنشا قاماۋعا الىنعان جۋرناليست جانە NE Deidi youtube ارناسىنىڭ اۆتورى دۋمان مۇحامەدكارىمگە ەگەر ول جۋرناليستيكادان كەتىپ، سەنىمىنەن باس تارتسا، بوساتىلاتىنى تۋرالى مامىلە جاسالعان، دەپ حابارلايدى “ادىرنا” ۇلتتىق پورتالى respublika.kz.media سايتىنا سىلتەمە جاساپ.
بۇل تۋرالى بۇگىن ونىڭ ادۆوكاتى عالىم نۇرپەيىسوۆ ادام قۇقىقتارى جونىندەگى قازاقستاندىق حالىقارالىق بيۋرودا وتكەن ءباسپاسوز ءماسليحاتىندا مالىمدەدى.
دەگەنمەن جۋرناليست ۇسىنىستان باس تارتقان.
"دۋمانعا كەلىپ، مامىلە ۇسىنىلدى. بىردەن ايتايىن، مەن فاميليالاردى، كىم كەلدى جانە قالاي كەلدى – بۇل تۋرالى ايتپايمىن، بىراق فاكت مىنادا: ەگەر ول ءوز سەنىمىنەن باس تارتسا، ەگەر ول ءوز جۇمىسىنان باس تارتسا، وعان التى جىل بەرىلەدى جانە سوت زالىنان بوساتىلادى، ەگەر ول ودان باس تارتپاسا، وعان جەتى جىل بەرىلەدى جانە بۇل بۇيرىق ورىندالىپ، ول ارى قاراي وتىرا بەرەدى. دۋمان بىردەن ءوز ۇستانىمىن ءبىلدىرىپ: مەن ساياساتكەر رەتىندە بولاشاقتا بەلگىلى ءبىر پلاتفورماعا يە بولۋىم كەرەك، مەن ءوز ميسسيامدى تۇسىنەمىن، مەنىڭ ارتىمدا شىندىق بار، مەنى حالىق قولدايدى. ونىڭ وسىنداي ۇستانىمى بار", - دەيدى نۇرپەيىسوۆ.
سونداي-اق ءجۋرناليستىڭ اكەسى الماس تىلەپوۆ ۇلىنىڭ "ەشقانداي كەلىسىمگە كەلمەيتىنىن" اتاپ ءوتتى.
ايتا كەتەيىك، 2023 جىلدىڭ 1 مامىرىندا دۋمان مۇحامەدكارىمدى پوليتسيا ميتينگ ۇيىمداستىرۋعا تىرىسقانى ءۇشىن 25 تاۋلىك قاماۋعا الۋ تۋرالى شەشىم شىعارىلعان بولاتىن.
“ادىرنا” ۇلتتىق پورتالى
