استانا سوتى «العا، قازاقستان» پارتياسىنىڭ جەتەكشىسى، مارافونشى مارات جىلانباەۆتىڭ اپپەلياتسيالىق شاعىمىن قاناعاتتاندىرمادى، دەپ حابارلايدى «ادىرنا» ءتىلشىسى.
بىلتىر قاراشادا سپورتشى جەتى جىلعا سوتتالعان ەدى. جىلانباەۆقا “تىيىم سالىنعان ۇيىمنىڭ قىزمەتىنە قاتىستى” جانە “تەرروريزمدى قارجىلاندىردى” دەگەن ايىپتار تاعىلدى.
بەلسەندىنىڭ ادۆوكاتى باۋىرجان ازانوۆ ونىڭ اپپەلياتسيالىق سوتقا قاتىسپاعانىن ايتتى.
«پروتسەسس باستالا سالىسىمەن جىلانباەۆتىڭ سوتقا قاتىسۋى تۋرالى ارىز بەردىك. الايدا سۋديا ەرعاليەۆا ءوتىنىشتى قاناعاتتاندىرمادى. سەبەبىن دە تۇسىندىرمەدى»،—دەدى ول.
ايتا كەتەيىك، مارات جىلانباەۆ - قازاقستاندىق مارافونشى. ول — 1990 جىلدارى قاراقۇم، ساحارا، ۇلكەن ۆيكتوريا جانە نەۆادا سياقتى ەڭ ۇلكەن شولدەردى باسىپ وتكەن الەمدەگى جالعىز سپورتشى. گيننەستىڭ رەكوردتار كىتابىنا جەتى رەت ەنگەن.
