استانانىڭ قىلمىستىق ىستەر جونىندەگى مامانداندىرىلعان اۋدانارالىق سوتى بولات نازارباەۆقا قاتىستى اتالاتىن ەلدوس قوسپاەۆتىڭ قىلمىستىق توبى مۇشەلەرىنە ۇكىم شىعاردى، دەپ حابارلايدى “ادىرنا” ۇلتتىق پورتالى
11 ادام رەيدەرلىكپەن اينالىستى، ۇيىمداسقان قىلمىستىق توپ قۇردى جانە وعان قاتىستى دەپ ايىپتالدى.
ۇيىمداسقان قىلمىستىق توپ AV-Construction, Profit Trade Ltd, Azovita Aktau, Azovita Atyrau سياقتى كومپانيالاردى باسىپ الۋ كۇدىگىنە ىلىنگەن بولاتىن.
ەلدوس قوسپاەۆ 15 جىلعا سوتتالدى. ول قاۋىپسىزدىگى ورتاشا كولونيادا جازاسىن وتەيتىن بولادى.
ايتا كەتەيىك، اعايىندى ەلدوس، ايدوس، ايبەك قوسپاەۆتار ۇيىمداسقان قىلمىستىق توپ قۇرىپ، «AV-Construction» جشس، «ستەكولنىي زاۆود» جشس، «شالقار 17» جشس، «باحار-ا» جشس سياقتى ءىرى بيزنەستەردى باسىپ العان بولاتىن. قما بۇعان قاتىستى تەرگەۋدى اياقتاپ، الماتىداعى ايدوس قوسپاەۆقا تيەسىلى «نيكولسكي» بازارىنىڭ اۋماعىندا ورنالاسقان جەر ۋچاسكەسى مەن مۇلكىنە تىيىم سالعان ەدى.
كەيىن قارجى مونيتورينگ اگەنتتىگى بىرنەشە ۇلكەن بيزنەستى باسىپ العان اعايىندا قوسپاەۆتارعا قاتىستى تاعى ءبىر قىلمىستى انىقتاعان ەدى.
«الايدا، بيىل قىركۇيەك ايىندا «ازاماتتارعا ارنالعان ۇكىمەت» بازاسىنا جالعان اقپارات ەنگىزۋ ارقىلى قۇنى 2,2 ملرد تەڭگە بولاتىن مۇلىك پەن جەر ۋچاسكەسى شەتەلدىك ينۆەستورلارعا ودان ءارى ساتۋ ماقساتىندا بوگدە تۇلعالارعا قايتا رەسىمدەلگەن»، - دەپ حابارلايدى قما.
اگەنتتىك الاياقتىق ءۇشىن بۇرىن سوتتالعان ءۇش ادامدى انىقتاپ، ولاردى قاماعان.
