ۇلتتىق قۇرىلتاي قۇرامى وزگەردى. بۇل تۋرالى اقوردانىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
جاڭادان تارتىلعان وكىلدەردىڭ قاتارىندا بالا قۇقىقتارى جونىندەگى ۋاكىل دينارا زاكيەۆا، «قازاقستان كارىستەر قاۋىمداستىعى» زتب توراعاسى يۋري شين، قازاقستاننىڭ ەڭبەك ەرى، سەمەي قالاسىنداعى № 7 مەكتەپ-ليتسەيىنىڭ مۇعالىمى الما شۇقىجانوۆا، پارلامەنت ءماجىلىسىنىڭ دەپۋتاتتارى نۇرلان اۋەسباەۆ، نيكيتا شاتالوۆ، Zhubanov university باسقارما-توراعاسى، رەكتور لاۋرا قاراباسوۆا، پارا جەڭىل اتلەتيكا بويىنشا سپورتشى ايسۇلۋ سۇلەيمەنوۆا، دۇنگەن ەتنوسىنىڭ كوشباسشىسى لۋگمار بۋلاروۆ، «ازاتتىق رۋحى» اقپاراتتىق اگەنتتىگىنىڭ تەلەجۇرگىزۋشىسى، جۋرناليست كريستينا گرينكو بار.
بۇدان بولەك قۇرامعا بىرنەشە ايماقتان قوعامدىق كەڭەس مۇشەلەرى كىردى.
ۇلتتىق قۇرىلتاي قۇرامىنان ب. التەەۆ، ا. تولامىسوۆ، گ. قاناي، س. وگاي، ج. دايراباەۆ، ق. مايگەلدىنوۆ، ب. ءۋالي، ا. تيموششەنكو-بوروۆيكوۆا، س. سارىباي، د. تۇرلىحانوۆ، ا. لودوچنيكوۆ، س. قۇرانبەك، ە. سۋلاروۆ شىعارىلدى.
قازىرگى ۋاقىتتا مەملەكەت باسشىسىنىڭ «Egemen Qazaqstan» گازەتىنە بەرگەن سۇحباتىندا حابارلانعانداي كوكتەمدە وتەتىن ۇلتتىق قۇرىلتايدىڭ ءۇشىنشى وتىرىسىنا دايىندىق جۇمىستارى جۇرگىزىلۋدە.
