Ūlttyq qūryltai qūramy özgerdı. Būl turaly Aqordanyŋ baspasöz qyzmetı aitty, dep habarlaidy «Adyrna» tılşısı.
Jaŋadan tartylǧan ökılderdıŋ qatarynda Bala qūqyqtary jönındegı uäkıl Dinara Zäkieva, «Qazaqstan kärıster qauymdastyǧy» ZTB töraǧasy Iýrii Şin, Qazaqstannyŋ Eŋbek Erı, Semei qalasyndaǧy № 7 mektep-liseiınıŋ mūǧalımı Alma Şūqyjanova, Parlament Mäjılısınıŋ deputattary Nūrlan Äuesbaev, Nikita Şatalov, Zhubanov university basqarma-töraǧasy, rektor Laura Qarabasova, para jeŋıl atletika boiynşa sportşy Aisūlu Süleimenova, düngen etnosynyŋ köşbasşysy Lugmar Bularov, «Azattyq ruhy» aqparattyq agenttıgınıŋ telejürgızuşısı, jurnalist Kristina Grinko bar.
Būdan bölek qūramǧa bırneşe aimaqtan qoǧamdyq keŋes müşelerı kırdı.
Ūlttyq qūryltai qūramynan B. Älteev, A. Tolamysov, G. Qanai, S. Ogai, J. Dairabaev, Q. Maigeldınov, B. Uäli, A. Timoşenko-Borovikova, S. Sarybai, D. Tūrlyhanov, A. Lodochnikov, S. Qūranbek, E. Sularov şyǧaryldy.
Qazırgı uaqytta Memleket basşysynyŋ «Egemen Qazaqstan» gazetıne bergen sūhbatynda habarlanǧandai köktemde ötetın Ūlttyq qūryltaidyŋ üşınşı otyrysyna daiyndyq jūmystary jürgızılude.
