مەملەكەت باسشىسى قاسىم-جومارت توقاەۆ اتىراۋدا وتكەن قۇرىلتايدا حالقىمىزدىڭ دۇنيەتانىمىندا قارا كيىنىپ ءجۇرۋ دەگەن اتىمەن بولماعانىن ايتتى، دەپ حابارلايدى "ادىرنا" ءتىلشىسى.
پرەزيدەنت ۇلتتىق بىرەگەيلىكتى نىعايتۋ ماسەلەسىنە توقتالىپ، قارا جامىلعاندارعا توقتالدى.
"ەندىگى ماسەلە – ۇلتتىق بىرەگەيلىگىمىزدى نىعايتۋ. مەن Egemen Qazaqstan گازەتىنە بەرگەن سۇحباتىمدا ۇلىستىڭ ۇلى كۇنىن بۇكىل ەل بولىپ جاڭاشا اتاپ وتەتىنىمىزدى ايتتىم. جاقىندا وسىعان بايلانىستى ارنايى تۇجىرىمداما قابىلداندى. ارينە، بۇكىل الەم جۇرتشىلىعىمەن بىرگە قارسى الاتىن جاڭا جىل مەرەكەسىنەن باس تارتپايمىز. بىراق ءاز-ناۋرىزدىڭ مارتەبەسىن كوتەرىپ، مازمۇنىن بايىتا تۇسەمىز.باسقا جۇرت قازاقتى كيىمىنەن تانيتىن بولۋى كەرەك. مەن بىلتىر اۋىزاشار بەرگەن كەزدە وسى ماسەلەگە ارنايى توقتالدىم. كەيبىر ءىرى كومپانيالار مەن وقۋ ورىندارى ۇلتتىق ناقىشتا كيىنۋ ءۇردىسىن ەنگىزىپ جاتىر. بۇل – وتە ورىندى باستاما، ونى قولداپ، اۋقىمىن كەڭەيتە تۇسكەن ءجون. اسىرەسە، قازىرگى تاڭدا مۇنداي قادامداردىڭ ءمان-ماڭىزى ايرىقشا. سەبەبى سوڭعى جىلدارى ەل ىشىندە قارا كيىنىپ، تۇمشالانىپ جۇرەتىن ادامدار پايدا بولعانى بارشاڭىزعا ءمالىم. ولار – بوتەن ەمەس، ءوز ازاماتتارىمىز. حالقىمىزدىڭ دۇنيەتانىمىندا قارا كيىنىپ ءجۇرۋ دەگەن اتىمەن بولماعان. بۇل – ەلىكتەۋشىلىكتەن، اسىرە-دىنشىلدىكتەن تۋعان ءۇردىس. ءبىز سالت-داستۇرىمىزدەن اجىراماۋىمىز كەرەك", - دەپ ايتتى قاسىم-جومارت توقاەۆ قۇرىلتايدىڭ ءۇشىنشى وتىرىسىندا.
