مەملەكەت باسشىسى قاسىم-جومارت توقاەۆ ۇلتتىق قۇرىلتايدىڭ V وتىرىسىندا جاڭا پارلامەنتكە «قۇرىلتاي» دەگەن اتاۋ بەرۋدى ۇسىندى، دەپ حابارلايدى "ادىرنا" ۇلتتىق پورتالى.
پرەزيدەنتتىڭ ايتۋىنشا، قۇرىلتاي اتاۋىن اسا ماڭىزدى مەملەكەتتىك ينستيتۋتتىڭ سيمۆولى رەتىندە ساقتاپ قالۋ كەرەك. ول بۇل باستامانى العاش رەت 2022 جىلى كوتەرگەنىن اتاپ ءوتتى.
«بولاشاق پارلامەنتتىڭ اتاۋى بويىنشا پىكىرىمدى ايتسام، قىسقاشا ايتقاندا قۇرىلتاي دەگەن اتاۋدى بەرۋ كەرەك دەپ سەنەمىن. قۇرىلتايدىڭ تاريحي اياسى دا، ماعىناسى دا حالقىمىزعا تۇسىنىكتى ءارى جاقىن. قۇرىلتاي وتىرىستارىن جاڭعىرتۋ باستاماسىن مەن 2022 جىلى كوتەردىم. ەلىمىزدىڭ ساياسي جۇيەسىندە بۇل اتاۋدى اسا ماڭىزدى مەملەكەتتىك ينستيتۋتتىڭ سيمۆولى رەتىندە ساقتاپ قالۋ كەرەك دەپ ويلايمىن»، – دەدى پرەزيدەنت.
بۇدان بولەك، ءبىرپالاتالى پارلامەنتتىڭ دەپۋتاتتار سانى 145 بولماق، ۇلتتىق قۇرىلتايدىڭ فۋنكتسيالارى «حالىق كەڭەسى» اتتى جاڭا كەڭەسشى ورگانعا بەرىلەتىن بولادى.
«حالىق كەڭەسى» قۇرامىنا 126 ادام كىرەدى:
42 ەتنومادەنيەت بىرلەستىكتەر وكىلى
42 ءماسليحات وكىلى
42 قوعامدىق ۇيىم وكىلى
حالىق كەڭەسىنىڭ كەڭەسى جىلىنا ءبىر رەت وتكىزىلەدى. مەملەكەت باسشىسى ءبىرپالاتالى پارلامەنت تۋرالى باستامانىڭ حالىق تاراپىنان قولداۋ تاپقانىن اتاپ ءوتتى.
