رەسەي تاراپى قازاقستاننىڭ ساۋدا جەلىلەرىنە تاۋىق جۇمىرتقاسىن جەتكىزۋدى ۇلعايتۋ تۋرالى وتىنىشپەن جۇگىندى. بۇل تۋرالى ۇكىمەتتىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
قازاقستان مەن رەسەي پرەمەر-مينيسترلەرىنىڭ ورىنباسارلارى سەرىك جۇمانعارين مەن الەكسەي وۆەرچۋك ەكىجاقتى ساۋدانىڭ وزەكتى ماسەلەلەرىن تالقىلادى.
«رەسەي تاراپى قازاقستاندىق تاراپقا ولاردىڭ ساۋدا جەلىلەرىنە تاۋىق جۇمىرتقاسىن جەتكىزۋدى ۇلعايتۋ تۋرالى وتىنىشپەن جۇگىندى. سەرىك جۇمانعارين اۋىل شارۋاشىلىعى مينيسترلىگىنە بۇل ماسەلەنى تەز ارادا قاراستىرىپ، رەسەيدىڭ شەكارالاس وبلىستارىنا قازاقستاندىق ونىمدەردى جەتكىزۋدى ۇلعايتۋ مۇمكىندىگىن تابۋدى تاپسىردى. ازىق-تۇلىك قاۋىپسىزدىگى ماسەلەسىندە شەشىم قابىلداۋدا يكەمدىلىك قاجەت ەكەنى اتاپ كورسەتىلدى»، - دەلىنگەن حابارلامادا.
ۇكىمەت 2022 جىلى قازاقستانداعى وتاندىق قۇس فابريكالارىن جۇمىرتقامەن قامتاماسىز ەتۋ دەڭگەيى حالىقتىڭ سۇرانىسىنىڭ 102 پايىزىن قۇرايتىنىنا سەندىردى. 2023 جىلدىڭ 11 ايىندا قازاقستان رەسەي، اۋعانستان جانە قىرعىزستانعا 186,6 ميلليونعا جۋىق تاۋىق جۇمىرتقاسىن ەكسپورتتادى.
