Reseı tarapy Qazaqstannyń saýda jelilerine taýyq jumyrtqasyn jetkizýdi ulǵaıtý týraly ótinishpen júgindi. Bul týraly úkimettiń baspasóz qyzmeti málimdedi, dep habarlaıdy “Adyrna” ulttyq portaly.
Qazaqstan men Reseı premer-mınıstrleriniń orynbasarlary Serik Jumanǵarın men Alekseı Overchýk ekijaqty saýdanyń ózekti máselelerin talqylady.
«Reseı tarapy qazaqstandyq tarapqa olardyń saýda jelilerine taýyq jumyrtqasyn jetkizýdi ulǵaıtý týraly ótinishpen júgindi. Serik Jumanǵarın Aýyl sharýashylyǵy mınıstrligine bul máseleni tez arada qarastyryp, Reseıdiń shekaralas oblystaryna qazaqstandyq ónimderdi jetkizýdi ulǵaıtý múmkindigin tabýdy tapsyrdy. Azyq-túlik qaýipsizdigi máselesinde sheshim qabyldaýda ıkemdilik qajet ekeni atap kórsetildi», - delingen habarlamada.
Úkimet 2022 jyly Qazaqstandaǵy otandyq qus fabrıkalaryn jumyrtqamen qamtamasyz etý deńgeıi halyqtyń suranysynyń 102 paıyzyn quraıtynyna sendirdi. 2023 jyldyń 11 aıynda Qazaqstan Reseı, Aýǵanstan jáne Qyrǵyzstanǵa 186,6 mıllıonǵa jýyq taýyq jumyrtqasyn eksporttady.
