كاريكاتۋرا dw ارناسىنىڭ سايتىنان الىندى
رەسەيدىڭ سىرتقى ىستەر ءمينيسترى سەرگەي لاۆروۆ پرەزيدەنت ۆلاديمير ءپۋتيننىڭ سەنىمىنەن ايىرىلدى، دەپ حابارلايدى "ادىرنا" ۇلتتىق پورتالى The Moscow Times باسىلىمىنا سىلتەپ.
اقپاراتقا سايكەس، لاۆروۆ رەسەي قاۋىپسىزدىك كەڭەسىنىڭ 5 قاراشادا وتكەن وتىرىسىنا قاتىسپاعان جانە G20 سامميتىندە رەسەيلىك دەلەگاتسياعا دا جەتەكشىلىك ەتپەيتىن بولىپتى. باسىلىم دەرەگىنشە، ونىڭ جيىنعا قاتىسپاۋى ءىس جۇزىندە قىزمەتىندەگى بەدەلىنىڭ تومەندەگەنىن كورسەتەدى.
«پۋتين مەن اقش پرەزيدەنتى دونالد ترامپتىڭ كەزدەسۋىنىڭ بولماۋىنا لاۆروۆتىڭ اقش مەملەكەتتىك حاتشىسى ماركو رۋبيومەن ءساتسىز وتكەن كەلىسسوزى سەبەپ بولعان»، – دەپ جازادى The Moscow Times.
كرەملدىڭ ءباسپاسوز حاتشىسى دميتري پەسكوۆتىڭ مالىمەتىنشە، G20 سامميتىندە رەسەي دەلەگاتسياسىن ەندى پرەزيدەنت اكىمشىلىگى باسشىسىنىڭ ورىنباسارى ماكسيم ورەشكين باسقارادى.
ايتا كەتەيىك، اقش جانە رەسەي باسشىلارىنىڭ كەزدەسۋى وتپەي قالعاننان كەيىن اقش «روسنەفت» جانە «لۋكويل» كومپانيالارىنا جاڭا سانكتسيالار ەنگىزگەن.
