ابايدىڭ مەملەكەتتىك قورىق-مۇراجايى عىلىمي ساپارىمەن تاتارستاندا بولىپ قايتتى. عىلىمي-زەرتتەۋ جۇمىسى بارىسىندا ن.ي.لوبوچاۆسكي اتىنداعى قازان مەملەكەتتىك ۋنيۆەرسيتەتى كىتاپحاناسىنان اباي قۇنانباەۆتىڭ شىعارماشىلىعى مەن قوعامدىق قىزمەتىنە قاتىستى بىرقاتار باسىلىمدار تابىلدى.
زەرتتەۋدەگى باستى ولجا 1885 جىلى قارامولا جەرىندەگى سەزدە قابىلدانعان اراب تىلىندەگى "قاراپايىم قازاقتارعا ارنالعان كودەكس" ءبىرىنشى قۇقىقتىق قۇجاتتىڭ تۇپنۇسقاسى بولدى.
- وسى كەزدەسۋدە ابايدى سەزد توراعاسى ەتىپ سايلايدى، - دەدى مۇراجاي ديرەكتورىنىڭ ورىنباسارى مەيرامگۇل قايرامباەۆا. – ءۇش كۇن ىشىندە زاڭعا بايلانىستى ماقالالار جازدى. قۇجات 1885 جىلى مامىردا قابىلدانىپ، ءبىر جىل وتكەن سوڭ قازان قالاسىنداعى يمپەراتور ۋنيۆەرسيتەتىنىڭ باسپاحاناسىندا شىعارىلدى.
مامانداردىڭ ايتۋىنشا زاڭ قۇراستىرۋ كەزىندە اقىن سول كەزدەگى ادامداردىڭ ءومىرىن جەڭىلدەتۋ ءۇشىن ءار ءتۇرلى جاڭالىقتاردى ۇسىنعان دەموكرات رەتىندە ءسوز سويلەدى.
قازاقستان مۇراعاتتارى مەن كىتاپحانالارىندا وسى قۇجاتتىڭ تۇپنۇسقاسى جوق. مۇراجاي قورىندا 1959 جىلى جاسالعان كيريلليتساداعى ماشينكامەن باسىلعان كوشىرمە عانا ساقتالعان. تابىلعان قۇجات فاكسيميلدى نۇسقانى باسىپ شىعارۋعا جانە وسى بىرەگەي زاڭدى تەرەڭىرەك زەرتتەۋگە مۇمكىندىك بەرەدى.
سەمەيدە 1885 جىلعى قۇندى قۇجات تانىستىرىلدى
19.06.2019
2720
پىكىرلەر
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз