تينا كاندەلاكي ءوزىنىڭ ارانداتۋشى جازباسىنان كەيىن قازاقستاندىقتاردى “ماڭگۇرت” ۇعىمىمەن سالىستىرىپ، تاعى ءبىر جازبا جاريالادى، دەپ حابارلايدى “ادىرنا” ۇلتتىق پورتالى.
قازاقستانداعى تەمىرجول ۆوكزالدارىنىڭ اتاۋىن وزگەرتۋدى ۇناتپاعان رەسەيلىك تەلەجۇرگىزۋشىگە قازاق قوعامى نارازىلىعىن ءبىلدىردى. بۇعان جاۋاپ رەتىندە كاندەلاكي «اتاۋلاردى وزگەرتۋ قاۋىپتى ارەكەت» دەپ مالىمدەدى.
«قۇرمەتتى قازاقتار، سىزدەردە «ماڭگۋ» دەگەن قاراپايىم، بىراق كەڭ ۇعىم بار. ودان بەلگىلى ماڭگۇرت بەينەسى – جادىنان، بولمىسىنان، كەيدە ساناسىنان ايىرىلعان ادام شىعادى. ءوزىڭىزدى جانە بولعان وقيعانىڭ ءبارىن ەسكە تۇسىرمەۋ، تاريحتى ونىڭ بارلىق كورىنىستەرىمەن، سونىڭ ىشىندە تاريحي اتاۋلارمەن بىرگە تاستاۋ - جاي عانا ساۋاتسىزدىق ەمەس، سونىمەن قاتار قاۋىپتى ارەكەت» دەدى ول. بۇل تۋرالى تەلەجۇرگىزۋشى ءوزىنىڭ Telegram-كانالىندا جازدى.
ول 2022 جىلى قاڭتار وقيعاسى كەزىندە ۇقشۇ اسكەرىنىڭ قازاقستانعا بارۋىن مىسالعا الدى. ونىڭ پىكىرىنشە، ەگەر «كورشىلەرىنىڭ كومەگى» بولماسا، قازاقستان ءومىر ءسۇرۋىن توقتاتار ەدى.
«وتكەندى ەسكە الماۋ – ەكى جىل بۇرىن قازاقستان ەلى قالاي جويىلىپ كەتكەنىن ەسكە الماۋ دەگەن ءسوز. قايسىسى جاقسى ايتىڭىزدارشى، جانىپ جاتقان قالالار ما نەمەسە كورشىلەرىنىڭ كومەككە كەلۋى مە؟»
تەلەجۇرگىزۋشى «بورات» ءفيلمىن دە ەسكە الىپ، قازاقستاندىقتاردى پاراساتتى بولۋعا شاقىردى.
«وتكەندى ەسكە الماۋ - بوراتقا قوشەمەت كورسەتۋ». وعان قازاقستاننان باسقا كىم تىيىم سالدى؟ رەسەي جانە پارسى شىعاناعى ەلدەرى. باتىستىڭ اعارتۋشى ەلفتەرى تۋرالى نە دەۋگە بولادى؟ ولارعا ءمان بەرمەدى. ولار ءۇشىن قازاق كىم؟ ءفيلمنىڭ جاۋابى انىق. اشۋ از، سەبەپ كوپ. سودان كەيىن كەم دەگەندە، رەسەيدىڭ جانىندا تۇرعاندا امەريكاندىق باق-قا بوراتتىڭ ازىلدەرى ۇناعانىن ءتۇسىندىرۋ ءۇشىن ەشقاشان رەنجۋدىڭ قاجەتى جوق» دەپ جازدى ول.
