"ماقتانايىن دەسەڭ، ماڭگۇرتتەر..." - تۇركياعا بارىپ، انا تىلىندە سويلەمەگەن قۇتقارۋشىلار حالىقتى ىزالاندىردى

15322
Adyrna.kz Telegram

التىنشى اقپان ءتۇنى تۇركيا مەن سيريا شەكاراسىندا جەر سىلكىنىسى بولىپ، دۇنيە دۇرلىكتى. قازاق ەلىنەن دە الىستاعى اعايىنعا، تۇرىك باۋىرلارىمىزعا، قول ۇشىن سوزۋ ءۇشىن قۇتقارۋشىلار توبى اتتاندى. قازاق حالقىنىڭ تىلەۋلەس نيەتىن جەتكىزىپ، جانسەبىل جۇرتقا جاردەم كورسەتكەن قۇتقارۋشىلارعا وقىرماندار ريزاشىلىق ءبىلدىرىپ وتىر. بىراق كوڭىلى كىرپياز كورەرمەن ازاماتتاردىڭ ءوز ءتىلىن قورسىنىپ، ءتۇبى ءتىر تۇركى تەكتەس باۋىرلارمەن ورىسشا سويلەسكەندەرىنە ىزالاندى، دەپ حابارلايدى "ادىرنا" ۇلتتىق پورتالى. 

الەۋمەتتىك جەلىدە قازاق ەلىنىڭ قۇتقارۋشىلارىنا تۇرىك ازاماتتارى ارنايى كەلىپ، العىسىن جاۋدىرادى. كوڭىل قويىپ تىڭداساڭىز، بارلىعى ۇعىنىقتى. ءسوز، سويلەم جۇيەسى ۇقساس. بىزاق ونى ءوز انا تىلىندە ۇعىنعىسى، ۇققىسى كەلەتىن نيەتتى وقىرمان كورە المادى.

العىس جاۋعان ءسات جايدى بۋراحان داقانوۆ بىلاي دەدى:

- تۇرىكتىڭ انالارى كەلىپ، بالالارىن قۇتقارعان قازاق جىگىتتەرىنە ريزاشىلىعىن ءبىلدىرىپ، راحمەتىن ايتىپ جاتىر. كەلگەندەرىڭ جاقسى بولدى، سەندەردىڭ ارقالارىڭدا ءتىرى قالدىق دەيدى.. ۆيدەونى كورىپ تولقىپ وتىرمىن. جارايسىڭدار جىگىتتەر. باۋىرلاس ەلدەر جاساسىن. ءتۇبىمىز ءبىر تۋىسقان تۇركيا ەلىنە ءتاڭىر جار بولسىن!

تۇركيا حالقىنىڭ العىسىنا بولەنگەن ازاماتتارعا قازاق حالقىنىڭ العىسپەن قاتار ايتار ءۋاجى بار. وقىرماندار بۇل بەينە-دەرەكتى كورگەننەن كەيىن:

"قازاققا قازاق نەگە ورىسشا اۋدارماشى بولىپ تۇر ەكەن؟ باستارىنان تەبەتىن ەكەن وزدەرىن... نەگىزى تۇركى تىلدەس باۋىرلاردىڭ تىلدەرىن ءتۇسىنۋ قيىنشىلىققا سوقپايدى، تىلدەرىمىز ۇقسايدى ەمەس پە؟ تۇرىك حالقىنا سابىرلىق بەرسىن! مارقۇم بولعان جانداردىڭ يمانى جولداس بولسىن!",

"نامىس جوق يتتەر، تۇرىكتەرگە ورىسشا سويلەپ ۇياتقا قالدىردى-اۋ",

"نەگە قازاق تىلىندە سويلەمەيسىڭدەر؟ ۇيات قايدا،ەسكى تۇركىلەر!",

"قازاقستاننىڭ اتىنان بارعان ورىستار. نامىسى بار قازاقتىڭ ۇلدارى ءوز تىلىندە سويلەيدى",

"شىركىن، ءبىزدىڭ مىنا تۇرعان قازاقتار ءتىلىن ءسۇيىۋدى الدىندا تۇرعان تۇرىكتەردەن ۇيرەنسە عوي",

ء"بارى جاقسى عوي. ازاماتتارىمىز ءۇشىن جۇرەگىڭدى قۋانىش كەرنەيدى! بىراق، تاعى دا ءتىل. قايدا بارساق تا، قانداي جاعدايدا بولساق تا وسى كورشىنىڭ ءتىلى سورىمىز بولدى! ەلدى جەرگە قاراتپاي، وزگەنىڭ تىلىنە جابىسپاي مىنا بالا قازاقشا اۋدارىپ بەرۋگە بولاس پا ەدى؟!",

ءا، مىنا بۋرياتتار كومەكتەسكەن ەكەن عوي. دۇرىس، ولار تۇرىكشە قايدان ءتۇسىنسىن... تۇرىكتەر مىقتى ءوز تىلىندە كىمگە بولسادا سويلەي بەرەدى. قارامايدى مىنانداي ساشا-ماشالارعا. اعىلشىنشا تىراشتانبايدى جاعىمپازدانىپ",

"ماقتانايىن دەسەڭ، ماڭگۇرتتەر... ورىسشا ەمەس، قازاقشا سويلەۋ كەرەك ەدى.... تۇرىكتەر تۇسىنەدى ءبىزدىڭ ءتىلدى" دەپ جازدى وقىرماندار.

"ادىرنا" ۇلتتىق پورتالى

پىكىرلەر