بۇگىن قازاقستاندا 40 مىڭ ادام قايتىس بولعاننان كەيىن دونور بولۋعا نيەت ءبىلدىردى، ونىڭ 15 پايىزى ادامداردى قۇتقارۋ ءۇشىن اعزالارىن بەرۋگە كەلىستى، دەپ حابارلايدى “ادىرنا” ۇلتتىق پورتالى. بۇل تۋرالى دەنساۋلىق ساقتاۋ ءمينيسترى اجار عينيات مالىمدەدى.
«بۇگىن 40 مىڭ ادام ءوز نيەتتەرىن ءبىلدىردى، ونىڭ 15 پايىزى ءوز ورگاندارىن بەرۋگە كەلىستى»، - دەدى مينيستر اجار عينيات ۇكىمەت وتىرىسىندا.
ەستەرىڭىزگە سالا كەتەيىك، قازاقستاندىقتار ترانسپلانتاتسيالاۋ ماقساتىندا قايتىس بولعاننان كەيىن ورگاندارىن بەرۋگە كەلىسىم بەرۋ نەمەسە باس تارتۋ نيەتىن ءتىرى كەزىندە تىركەي الادى. ول ءۇشىن تىركەلگەن جەرىڭىزدەگى ەمحاناعا نەمەسە ەلەكتروندى ۇكىمەت سايتىنا حابارلاسۋىڭىز قاجەت.
دەنساۋلىق ساقتاۋ ءمينيسترى جەلتوقسان ايىندا ۇلكەن ترانسپلانتاتسيا جاسالعانىن، ەكى دونور توعىز ادامدى امان الىپ قالعانىن ايتتى.
ال ءمينيستردىڭ ءوزى قايتىس بولعاننان كەيىن دونور بولۋعا كەلىسكەنىن ايتتى.
