اقىن ەربولات بايات قازاقستان جازۋشىلار وداعىنىڭ اقمولا وبلىستىق فيليالىنىڭ باسشىسى قىزمەتىنە تاعايىندالدى، دەپ جازادى "ادىرنا" پورتالى. بۇل تۋرالى ول ءوزىنىڭ Facebook پاراقشاسىندا ايتتى.
تاعايىنداۋ قازاقستان جازۋشىلار وداعىنىڭ باسقارما توراعاسى مەرەكە قۇلكەنوۆتىڭ بۇيرىعىمەن جۇزەگە استى.
"قازاقستان جازۋشىلار وداعىنىڭ باسقارما توراعاسى مەرەكە قۇلكەنوۆتىڭ بۇيرىعىمەن 16 قاڭتاردان باستاپ جازۋشىلار وداعىنىڭ اقمولا وبلىسى فيليالىنىڭ ديرەكتورى، ياعني وداقتىڭ رەسمي وكىلى بولىپ تاعايىندالدىم. تىلەۋلەس جاندارعا راحمەت، ىسكە ءسات دەپ قويىڭىزدار!" دەپ جازدى ەربولات بايات جازباسىندا.
ەربولات باياتۇلى — 1964 جىلى مونوليانىڭ بايان-ولگي ايماعىنىڭ ولگي قالاسىندا دۇنيەگە كەلگەن.
1987 جىلى ءال فارابي اتىنداعى قازاق مەملەكەتتىك ۋنيۆەرسيتەتىنىڭ فيلولوگيا فاكۋلتەتىن بىتىرگەن. 1987-1988 جىلدارى قىزىلقايىڭ ورتا مەكتەبىندە مۇعالىم، 1988-1989 جىلدارى ايماقتىق قازاق راديوسىندا ءتىلشى-رەداكتور، 1990-1992 جىلدار ارالىعىندا مونعولدىڭ پەداگوگيكالىق عىلىمي زەرتتەۋ ينستيتۋتىنىڭ قازاق مەكتەپتەر سەكتورىندا عىلىمي قىزمەتكەر بولىپ جۇمىس اتقارعان.
