Aqyn Erbolat Baıat Qazaqstan Jazýshylar odaǵynyń Aqmola oblystyq fılıalynyń basshysy qyzmetine taǵaıyndaldy, dep jazady "Adyrna" portaly. Bul týraly ol óziniń Facebook paraqshasynda aıtty.
Taǵaıyndaý Qazaqstan Jazýshylar odaǵynyń Basqarma tóraǵasy Mereke Qulkenovtiń buıryǵymen júzege asty.
"Qazaqstan Jazýshylar odaǵynyń Basqarma tóraǵasy Mereke Qulkenovtiń buıryǵymen 16 qańtardan bastap Jazýshylar odaǵynyń Aqmola oblysy fılıalynyń dırektory, ıaǵnı Odaqtyń resmı ókili bolyp taǵaıyndaldym. Tileýles jandarǵa rahmet, iske sát dep qoıyńyzdar!" dep jazdy Erbolat Baıat jazbasynda.
Erbolat Baıatuly — 1964 jyly Monolııanyń Baıan-ólgıı aımaǵynyń Ólgıı qalasynda dúnıege kelgen.
1987 jyly Ál Farabı atyndaǵy Qazaq memlekettik ýnıversıtetiniń fılologııa fakýltetin bitirgen. 1987-1988 jyldary Qyzylqaıyń orta mektebinde muǵalim, 1988-1989 jyldary aımaqtyq qazaq radıosynda tilshi-redaktor, 1990-1992 jyldar aralyǵynda Monǵoldyń pedagogıkalyq ǵylymı zertteý ınstıtýtynyń qazaq mektepter sektorynda ǵylymı qyzmetker bolyp jumys atqarǵan.
