سۋديا 2,5 ميلليون تەڭگە الىپ جاتقان جەرىندە پارامەن ۇستالدى، دەپ حابارلايدى “ادىرنا” ۇلتتىق پورتالى.
2024 جىلعى 10 قاڭتاردا اتىراۋ وبلىسى ماحامبەت اۋداندىق سوتىنىڭ سۋدياسىنا قاتىستى الاياقتىق ارەكەتتەر جاساۋ فاكتىسى بويىنشا ماتەريال (قك-ءنىڭ 190-بابى 3-بولىگى 2-تارماعى) تىركەلگەنى حابارلاندى.
اقپاراتتى جوعارعى سوتتىڭ ءباسپاسوز قىزمەتى راستادى.
“2024 جىلدىڭ 15 قاڭتارىندا وبلىس بويىنشا ۇلتتىق قاۋىپسىزدىك دەپارتامەنتىنىڭ قىزمەتكەرلەرى سوت اكىمشىلىگىنىڭ ىشكى قاۋىپسىزدىك باسقارماسىمەن بىرلەسىپ، سۋديانى 2,5 ميلليون تەڭگە الىپ جاتقان جەرىندە پارامەن ۇستادى، كۇدىكتىگە ەشقانداي پروتسەسسۋالدىق ماجبۇرلەۋ قولدانىلماعان. قازىرگى ۋاقىتتا ەكى ۆەدومستۆونىڭ بىرلەسكەن ءىس-قيمىلدارى ارقىلى سوتقا دەيىنگى تەرگەۋ جالعاسۋدا”، - دەلىنگەن جوعارعى سوتتىڭ ءباسپاسوز قىزمەتى تاراتقان حابارلامادا.
جوعارعى سوتتىڭ ءباسپاسوز قىزمەتى مەن تەرگەۋ ماتەريالدارىنا سايكەس، پارانىڭ سوت تورەلىگىن جۇزەگە اسىرۋعا قاتىسى جوق.
“ادىرنا” ۇلتتىق پورتالى
