اتىراۋدا تەمىرجول ۆوكزالىن قايتا جاڭعىرتۋ جۇمىستارى بارىسىندا بەس مەتر بيىكتىكتەن قۇلاعان جۇمىسشىنىڭ جاعدايى اۋىر. قازىرگى ۋاقىتتا ول كومادا جاتىر، دەپ حابارلايدى “ادىرنا” پورتالى Aikyn.kz باسىلىمىنا سىلتەمە جاساپ.
1984 جىلى تۋعان ەر ادام وقيعادان كەيىن اۋىر حالدە اۋرۋحاناعا جەتكىزىلگەن. دارىگەرلەر ونىڭ تسەرەبرالدى جەتكىلىكسىزدىككە جانە جۇلىن شوگىنا ۇشىراعانىن انىقتادى.
مەديتسينالىق مامانداردىڭ مالىمەتىنشە، ناۋقاستىڭ قان اينالىمى تۇراقسىز. وسىعان بايلانىستى ونىڭ جاعدايىن تۇراقتاندىرۋ ءۇشىن ارنايى دارىلىك پرەپاراتتار قولدانىلۋدا.
وقيعاعا قاتىستى اتىراۋ ستانساسىنداعى كولىك پوليتسياسى ەڭبەك قاۋىپسىزدىگى تالاپتارىنىڭ بۇزىلۋى دەرەگى بويىنشا سوتقا دەيىنگى تەرگەۋ جۇمىستارىن باستادى.
ال ەڭبەك ينسپەكتسياسى جازاتايىم وقيعانىڭ سەبەپتەرى مەن ءمان-جايىن انىقتاۋ ماقساتىندا ارنايى كوميسسيا قۇرىلاتىنىن مالىمدەدى.
