گلۋبوكوۆسكي اۋدانىنىڭ ەكس-اكىمى تامارا راحىمجانوۆا الەۋمەتتىك اكتسيونەرلىك قوعام باسشىسى بولىپ تاعايىندالدى. بۇل تۋرالى اكتسيونەرلىك قوعامنىڭ رەسمي سايتىنان بەلگىلى بولدى، دەپ حابارلايدى "ادىرنا" سايتى inbusiness.kz-سىلتەپ.
ەسكە سالايىق، 2021 جىلدىڭ تامىز ايىندا اۋدان اكىمىنىڭ ورىنباسارى سەرگەي قيماسوۆتىڭ ۇستالعانى بەلگىلى بولدى. قىركۇيەك ايىندا اۋداندىق ماڭىزى بار جولداردى تازالاۋ جانە كۇتىپ ۇستاۋ جانە توتەنشە جاعدايلاردى جويۋ بويىنشا اتقارىلعان جۇمىستاردى بيۋدجەتتەن ۋاقتىلى قارجىلاندىرۋعا قاتىستى، «پريرتىشە-1» جشس باسشىسى ۆيكتور لەونتەۆتەن پارا الۋ فاكتىسى بويىنشا ايىپتالدى.
ايتا كەتۋ كەرەك، بۇل ىسكە تامارا راحىمجانوۆانىڭ قاتىسى بار بولىپ شىقتى. لەونتەۆتىڭ ايتۋىنشا، قيماسوۆ وعان ونىڭ ءوتىنىشى بويىنشا كاسىپكەر مەملەكەتتىك ساتىپ الۋلار تۋرالى كەلىسىم-شارت سوماسىنان 10 پايىز قايتارىپ الۋ كەرەكتىگىن ايتقان. بىراق بۇل سوتتا دالەلدەنبەدى. ناتيجەسىندە اكىمنىڭ ەكس-ورىنباسارى سەرگەي قيماسوۆ ءومىر بويىنا مەملەكەتتىك قىزمەتتە لاۋازىمداردى اتقارۋ قۇقىعىنان ايىرۋمەن 3 جىلعا باس بوستاندىعىنان ايىرىلدى.
2021 جىلدىڭ 24 جەلتوقسانىندا تامارا راحىمجانوۆانىڭ جۇمىستان كەتكەنى بەلگىلى بولدى. ەسكە سالايىق، قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ تاپسىرماسى بويىنشا باسشىلاردىڭ قول استىنداعى قىزمەتكەرلەرگە دەگەن جاۋاپكەرشىلىگى زاڭنامالىق دەڭگەيدە بەكىتىلگەن.
ساياسي شەنەۋنىكتەردىڭ تىكەلەي باعىنىشتىلارى سىبايلاس جەمقورلىق قۇقىق بۇزۋشىلىق جاساعان جاعدايدا قىزمەتىنەن كەتۋى كەرەك.
تامارا راحىمجانوۆا ەڭبەك جولىن 2001 جىلى وسكەمەن قالاسىندا «ۆنيتتسۆەتمەت» مەكەمەسىندە تازالىقشى بولىپ باستاعان. 2014-2016 جىلدارى «وسكەمەن-تازالىق» جشس ديرەكتورى، 2016-2019 جىلدارى «وسكەمەن-تارتيپ» مەكەمەسىنىڭ ديرەكتورى قىزمەتتەرىن اتقارعان. 2019 جىلدىڭ اقپان ايىنان باستاپ – 2020 جىلدىڭ قىركۇيەگىنەن 2021 جىلدىڭ جەلتوقسانىنا دەيىن وسكەمەن قالاسى اكىمىنىڭ ورىنباسارى، 2020 جىلدىڭ قىركۇيەگىنەن 2021 جىلدىڭ جەلتوقسانىنا دەيىن – گلۋبوكوۆسكي اۋدانىنىڭ اكىمى.
spkertis.kz سايتىنىڭ باسشىلىق بولىمىندە تامارا راحيمجانوۆانىڭ «ەرتىس» اكك» اق-نىڭ باسشىسى رەتىندە تاعايىندالعانىن رەسمي تۇردە كورە الاسىز.
"ادىرنا" ۇلتتىق پورتالى
