جەتىسۋ وبلىسى پوليتسيا دەپارتامەنتى ەكى بالاسىن ساتقان وبلىستىڭ 23 جاستاعى تۇرعىنىن ۇستادى. بۇل تۋرالى ىشكى ىستەر مينيسترلىگىندە وتكەن اپتالىق ءباسپاسوز ءماسليحاتىندا ۆەدومستۆونىڭ وكىلى شۇعىلا تۇرلىبەك مالىمدەدى، دەپ حابارلايدى “ادىرنا” ۇلتتىق پورتالى.
كۇدىكتى دەلدالدار ارقىلى ءوزىنىڭ 2022 جانە 2023 جىلدارى تۋعان ەكى بالاسىن ساتقانى انىقتالدى. ءبىرىنشى فاكت 2022 جىلدىڭ قازان ايىندا، ال ەكىنشى فاكت 2023 جىلدىڭ تامىز ايىندا ورىن العان، ەكى جاعدايدا دا مامىلە سوماسى 1 ملن تەڭگە. اتالعان فاكتىلەر قىلمىستىق كودەكستىڭ 135-بابى بويىنشا (كامەلەتكە تولماعاندار ساۋداسى) تىركەلدى، - دەپ اتاپ ءوتتى ۆەدومستۆو وكىلى.سونىمەن قاتار، تۇركىستان وبلىسىندا 5 جىلدان بەرى قۇلدىقتا بولعان وزگە ەلدىڭ ازاماتى انىقتالدى.
تۇركىستان وبلىسى پد قىزمەتكەرلەرى 53 جاستاعى وزبەكستان ازاماتىن ەڭبەك قاناۋى ءۇشىن 5 جىلدان استام ۋاقىت بويى زاڭسىز ۇستاعان شارۋا قوجالىقتارىنىڭ ەكى باسشىسىن انىقتاپ، ۇستادى. ەر ادامنىڭ تولقۇجاتىن الىپ، 2017 جىلدان باستاپ مال باعۋعا ماجبۇرلەگەن. جابىرلەنۋشىنىڭ مال قوراسىندا تۇرعانى انىقتالدى. جۇمىستان باس تارتقان كەزدە وعان فيزيكالىق جانە پسيحولوگيالىق قىسىم جاسالعان. قك 126-بابى 3-بولىگىنىڭ 2-تارماعى بويىنشا تەرگەۋ جۇرگىزىلۋدە. جابىرلەنۋشى وڭالتۋ جانە كومەك الۋ ءۇشىن داعدارىس ورتالىعىنا جىبەرىلدى، - دەدى شۇعىلا تۇرلىبەك.
ۇقساس جاڭالىقتار
