باس پروكۋراتۋرا مىڭنان اسا ادامنىڭ حالىقارالىق ىزدەۋدە ەكەنىن مالىمدەدى، دەپ حابارلايدى "ادىرنا" ءتىلشىسى Kazinform-عا سىلتەپ.
باس پروكۋراتۋرا وتكەن جىلى قانشا ادامنىڭ قازاقستانعا ەكستراديتسيالانعانىن ايتتى.
«2023 جىلى قازاقستانعا ىزدەۋدە جۇرگەن 55 ادام بولگاريا، گرۋزيا، قىرعىز رەسپۋبليكاسى، رەسەي، سەربيا، تۇركيا، ۋكراينا جانە باسقا دا ەلدەردەن ەكستراديتسيالاندى. بۇل رەتتە ۇستاپ بەرۋ تۋرالى شارتتىڭ بولماعىندىعىنا قاراماستان گەرمانيادان، لاتۆيادان، كامەرۋننان، پولشادان، شۆەتسيادان ىزدەۋدەگى ادامداردى قازاقستانعا ەكستراديتسيالاۋعا مۇمكىندىك بولدى»، - دەلىنگەن باس پروكۋراتۋرانىڭ اگەنتتىك ساۋالىنا بەرگەن جاۋابىندا.
ۆەدومستۆوعا سايكەس بۇگىندە 823 ادامعا مەملەكەتارالىق ىزدەۋ جاريالانعان. ال 1 543 ادام حالىقارالىق ىزدەۋدە.
