قازاقستاندا شەتەل ازاماتتارى ءۇشىن بەنزين مەن ديزەل وتىنىنا تاۋلىكتىك شەكتەۋ ەنگىزىلەدى، دەپ حابارلايدى "ادىرنا" ۇلتتىق پورتالى zan.gov.kz-كە سىلتەپ.
جاڭا بولشەك ساۋدا باعاسى 17 مامىردان باستاپ ەنگىزىلەدى.
وزگەرىستەر قر ەنەرگەتيكا ءمينيسترى ەنگىزگەن جانارماي قۇنىن رەتتەيتىن تۇزەتۋلەر ناتيجەسىندە ەنگىزىلىپ وتىر. جاريالانعان قاۋلىعا سايكەس قوسىلعان قۇن سالىعى ەسكەرىلىپ، شەكتى باعالار بەلگىلەنگەن.
- اي-80 ماركالى بەنزين – شەتەلدىك ازاماتتارعا 1 ليتر ءۇشىن 89 تەڭگە;
- اي-92 جانە اي-93 ماركالى بەنزين – شەتەلدىك ازاماتتارعا 1 ليتر ءۇشىن 245 تەڭگە;
- قازاقستاندا بەرىلگەن جۇرگىزۋشى كۋالىگىن كورسەتكەن كەزدە 1 تاۋلىگىنە 100 ليترگە دەيىنگى كولەمدە – 1 ليتر ءۇشىن 205 تەڭگە;
- قازاقستاندا بەرىلگەن جۇرگىزۋشى كۋالىگىن جانە موتوتسيكلدەرگە، جەڭىل، جۇك، ارنايى، مامانداندىرىلعان اۆتوموبيلدەر مەن اۆتوبۋستارعا كولىك قۇرالىن تىركەۋ تۋرالى كۋالىكتى كورسەتكەن كەزدە 1 تاۋلىگىنە 300 ليترگە دەيىنگى كولەمدە – 1 ليتر ءۇشىن 205 تەڭگە;
ال قوسىلعان قۇن سالىعىن قوسقاندا ديزەل وتىنىنىڭ قۇنى:
- ديزەل وتىنى (جازعى، ماۋسىمارالىق) – شەتەلدىك ازاماتتارعا 1 ليتر ءۇشىن 315 تەڭگە;
- قازاقستاندا بەرىلگەن جۇرگىزۋشى كۋالىگىن كورسەتكەن كەزدە 1 تاۋلىگىنە 100 ليترگە دەيىنگى كولەمدە – 1 ليتر ءۇشىن 295 تەڭگە;
- قازاقستاندا بەرىلگەن جۇرگىزۋشى كۋالىگىن جانە جۇك، ارنايى، مامانداندىرىلعان اۆتوموبيلدەر مەن اۆتوبۋستارعا كولىك قۇرالىن تىركەۋ تۋرالى كۋالىكتى كورسەتكەن كەزدە 1 تاۋلىگىنە 300 ليترگە دەيىنگى كولەمدە – 1 ليتر ءۇشىن 295 تەڭگە.
