يسلانديادا جانارتاۋ اتقىلاۋدا، دەپ حابارلايدى "ادىرنا" ءتىلشىسى ربك-عا سىلتەپ.
گرينداۆيك قالاسىنىڭ ماڭىندا جانارتاۋ اتقىلاپ، ەلدى مەكەندەرگە جاقىنداعان. بۇل تۋرالى يسلانديا ۇلتتىق پوليتسياسى حابارلاۋدا.
يسلانديانىڭ باتىس بولىگىندەگى جانارتاۋدىڭ اتقىلاۋى 14 قاڭتار كۇنى تاڭەرتەڭ باستالعان.
ۆۋلكانولوگ مامان تورۆالدۋر توردارسون ەگەر اتقىلاۋ قازىرگى قارقىنىمەن جالعاسا بەرسە، شامامەن ءبىر اپتاعا سوزىلاتىنىن ايتادى.
الدىن الا اقپارات بويىنشا، جانارتاۋ جەر سىلكىنىسىنەن كەيىن اتقىلاپ، جەر قاباتىندا جارىقشاق پايدا بولعان. ال جارىلىس بولعان جەرگە قاۋىپتىلىك دەڭگەيىن باعالاۋ ءۇشىن تىكۇشاقتار جىبەرىلدى.
