Ulttyq qaýipsizdik komıtetiniń (UQK) qyzmetkerleri asa iri kólemde sıntetıkalyq esirtkini óndirý men taratýdy toqtatty, dep habarlaıdy "Adyrna" ulttyq portaly vedomstvonyń baspasóz qyzmetine silteme jasap.
"Ulttyq qaýipsizdik komıtetiniń Almaty qalasy boıynsha departamenti sıntetıkalyq esirtkini óndirý men taratýdytoqtatty. 2024 jyldyń 3 qańtarynda Almaty qalasynyń irgesindegi jalǵa alynǵan jeke úıde jedel ýákilder eki sheteldik azamatty esirtki zattaryn daıyndap jatqan jerinde ustady. Tintý kezinde zańsyz aınalymnan 30 keli daıyn ónim – «alfa-PVP» psıhotroptyq zaty, sondaı-aq 5,5 tonnadan astam prekýrsorlar tárkilendi. Qolda bar málimetterge sáıkes, esirtki Qazaqstanda ınternetpen satý arqyly taratýǵa arnalǵan", - delingen senbi kúni taratqan habarlamada.
Sot qaýlysymen sottalýshylarǵa qamaýǵa alý túrindegi bultartpaý sharasy taǵaıyndaldy. Qazir sotqa deıingi tergeý amaldary júrgizilýde.
"Adyrna" ulttyq portaly
