توقاەۆ تاپسىرماسى: 2025 جىلعا دەيىن الماتىدا 28 سەيسميكالىق ستانتسيا ورناتىلۋى ءتيىس

2205
Adyrna.kz Telegram

قازاقستان پرەزيدەنتى قاسىم-جومارت توقاەۆ 16 قاراشادا الماتى جۇرتشىلىعىمەن كەزدەسۋىندە جەر سىلكىنىسىن ءدال بولجاۋ جانە الدىن الا ەسكەرتۋ قالا ءۇشىن وتە ماڭىزدى دەدى، دەپ حابارلايدى «ادىرنا» ءتىلشىسى.

توقاەۆ 2025 جىلعا دەيىن 28 سەيسميكالىق ستانتسيانى ورناتۋدى اياقتاۋدى، كەيىننەن ولاردى قىرعىزستاننىڭ ەرتە حابارلاۋ جۇيەسىمەن بىرىكتىرۋدى تاپسىردى.

«قالادا توتەنشە جاعدايلار تۋرالى داۋىستىق حابارلامالاردى جىبەرۋ مۇمكىندىگى بار بىرىكتىرىلگەن ەسكەرتۋ جۇيەلەرى جۇمىسىن جولعا قويۋ كەرەك. بۇل جۇمىستا ۇلكەن دەرەكتەر قولدانىلادى»، - دەدى قاسىم-جومارت توقاەۆ.

ول ءۇشىن اكىمدىك جاعداياتتار ورتالىعىنىڭ قىزمەتىن تولىق ىسكە قوسۋى قاجەت. ول بەينەباقىلاۋ جۇيەلەرىنەن، جول قوزعالىسىنان، قوڭىراۋ شالۋ بەلسەندىلىگىنەن جانە الەۋمەتتىك ينفراقۇرىلىمنان الىنعان دەرەكتەردى بىرىكتىرۋى كەرەك، دەپ قوستى پرەزيدەنت.

«قالانىڭ «تسيفرلىق ەگىزىن» قۇرۋ يدەياسى اقپاراتتىق تەحنولوگيالار سالاسىنداعى زاماناۋي ترەندتەرگە جانە وزىق حالىقارالىق تاجىريبەگە سايكەس كەلەدى»، - دەدى پرەزيدەنت.

قىركۇيەك ايىنداعى جولداۋىمدا ءار قالاعا جەر تەلىمدەرى مەن ينجەنەرلىك جەلىلەردىڭ فۋنكتسيونالدىق ينتەراكتيۆتى كارتاسىن جاساۋدى تاپسىردىم.

«الماتىدا بۇل بۇيرىق«تسيفرلىق ەگىزدى»دامىتۋ جانە قالانىڭ باس جوسپارىن تۇزەتۋ اياسىندا جۇزەگە اسىرىلۋدا. بۇل جوبالار ءبىر-بىرىمەن بايلانىستا جۇزەگە اسىرىلاتىن جۇيەلى كوزقاراستىڭ جاقسى ۇلگىسى. جالپى، بۇل مەنىڭ جاقىن بولاشاقتاعى قالانى دامىتۋدىڭ نەگىزگى باسىمدىقتارىنا دەگەن كوزقاراسىم»، - دەپ تۇيىندەدى ءسوزىن مەملەكەت باسشىسى.

بارلىق بەلگىلەنگەن تاپسىرما مەن جوبا ءبىرىنشى كەزەكتە الماتىلىقتاردىڭ ءومىر ءسۇرۋ ساپاسىن جاقسارتۋعا، ەكونوميكالىق الەۋەتىن نىعايتۋعا جانە قالانىڭ تارتىمدىلىعىن ارتتىرۋعا باعىتتالعان. بۇل مىندەتتەردىڭ ورىندالۋى قاسىم-جومارت توقاەۆتىڭ ەرەكشە باقىلاۋىندا بولادى.

پىكىرلەر