الماتىدا اعاش بۇتاعى قۇلاپ، ءبىر ادام قازا تاپتى، دەپ حابارلايدى «ادىرنا» ءتىلشىسى.
قايعىلى وقيعا بۇگىن، 13 تامىزدا قاراساي باتىر مەن ءادي ءشارىپوۆ كوشەسىنىڭ قيىلىسىندا بولعان. كۋاگەرلەردىڭ ايتۋىنشا، ايەلگە اعاشتىڭ سىنىپ تۇسكەن بۇتاعى قۇلاعان. جەدەل جاردەم كەلگەنشە ول العان جاراقاتىنان وقيعا ورنىندا كوز جۇمعان.
جەلىدە تاراعان اقپاراتقا سۇيەنسەك، مارقۇمنىڭ ەسىمى – تاتيانا. ول جاقىن ماڭداعى كەڭسەدە ەسەپشى بولىپ جۇمىس ىستەگەن.
الماتى پوليتسياسى قىلمىستىق ءىس قوزعالعانىن حابارلادى. قازىر وقيعانىڭ ءمان-جايى انىقتالىپ جاتىر.
ۇقساس جاڭالىقتار
