قۇرىلىمدىق بولاتتى زەرتتەۋ ناتيجەسىندە، قازاقستانداعى قالىپتى جانە سەيسميكالىق اۋماقتا قۇرىلىس نىساندارىن سالۋ قۇنى تومەندەۋى مۇمكىن، دەپ حابارلايدى "ادىرنا" ۇلتتىق پورتالى ونەركاسىپ جانە قۇرىلىس مينيسترلىگىنە سىلتەمە جاساپ.
قازاقستاندا العاش رەت جۇرگىزىلگەن بولات بالقىماسىنىڭ ەۋروكود 1993 تالاپتارىنا سايكەستىگىن زەرتتەۋ ناتيجەسىندە،«قازقسعزي» اق عالىمدارى بولاتتىڭ بەرىكتىگى مەن دەفورماتسيالىق سيپاتتامالارىنىڭ 1993 جىلعى ەۋروكود پەن ۇلتتىق قوسىمشالاردىڭ تالابىنا سايكەس كەلەتىنىن انىقتادى. زەرتتەۋ بارىسىندا ماماندار ەلىمىزدەگى جانە رەسەيدەگى 2 زاۋىتتا وندىرىلگەن ءارتۇرلى قالىڭدىقتاعى قۇرىلىمدىق بولاتتىڭ 7 تۇرىنە تالداۋ جاسادى.
قاتتىلىقتى سىناۋ ءۇشىن قۇرىلىمدىق بولاتتىڭ 216 ۇلگىسى دايىندالدى. سىناقتار قر ست جانە ەN ست ادىستەمەسىنە سايكەس +20, -20, -40 گرادۋس تەمپەراتۋرادا جۇرگىزىلدى.
ناتيجەسىندە، قازاقستان ءوندىرىسىنىڭ قۇرىلىمدىق بولاتى ءۇشىن ەۋروكود 1993 تالابى ورىندالادى.
جۇمىستىڭ نەگىزگى ناتيجەلەرى وتاندىق كونسترۋكتسيالىق بولاتتى پايدالانا وتىرىپ، قازاقستاننىڭ قالىپتى جانە سەيسميكالىق اۋداندارىندا بولات كونسترۋكتسيالارىن جوبالاۋعا مۇمكىندىك بەرەدى. بۇل ەۋروپالىق بولاتتىڭ يمپورتىن الىپ تاستاۋ نەمەسە ازايتۋ ارقىلى قۇرىلىس نىساندارىنىڭ قۇنىن تومەندەتەدى دەگەن بولجام بار، - دەپ جازىلعان حابارلامادا.
"ادىرنا" ۇلتتىق پورتالى
