Qūrylymdyq bolatty zertteu nätijesınde, Qazaqstandaǧy qalypty jäne seismikalyq aumaqta qūrylys nysandaryn salu qūny tömendeuı mümkın, dep habarlaidy "Adyrna" ūlttyq portaly Önerkäsıp jäne qūrylys ministrlıgıne sılteme jasap.
Qazaqstanda alǧaş ret jürgızılgen bolat balqymasynyŋ Eurokod 1993 talaptaryna säikestıgın zertteu nätijesınde,«QazQSǦZİ» AQ ǧalymdary bolattyŋ berıktıgı men deformasiialyq sipattamalarynyŋ 1993 jylǧy Eurokod pen ūlttyq qosymşalardyŋ talabyna säikes keletının anyqtady. Zertteu barysynda mamandar elımızdegı jäne Reseidegı 2 zauytta öndırılgen ärtürlı qalyŋdyqtaǧy qūrylymdyq bolattyŋ 7 türıne taldau jasady. Qattylyqty synau üşın qūrylymdyq bolattyŋ 216 ülgısı daiyndaldy. Synaqtar QR ST jäne EN ST ädıstemesıne säikes +20, -20, -40 gradus temperaturada jürgızıldı. Nätijesınde, Qazaqstan öndırısınıŋ qūrylymdyq bolaty üşın Eurokod 1993 talaby oryndalady. Jūmystyŋ negızgı nätijelerı otandyq konstruksiialyq bolatty paidalana otyryp, Qazaqstannyŋ qalypty jäne seismikalyq audandarynda bolat konstruksiialaryn jobalauǧa mümkındık beredı. Būl europalyq bolattyŋ importyn alyp tastau nemese azaitu arqyly qūrylys nysandarynyŋ qūnyn tömendetedı degen boljam bar, - dep jazylǧan habarlamada."Adyrna" ūlttyq portaly
Ūqsas jaŋalyqtar
