Qarmet باسشىلىعى «كوستەنكو» شاحتاسىندا كومىر ءوندىرىسىن باستاۋعا تىيىم سالدى. بۇل تۋرالى كومپانيانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«تراگەديانىڭ قايتالانۋ ىقتيمالدىعى ابدەن جويىلعانعا دەيىن شاحتادا ءوندىرىستى قايتا باستاۋعا تىيىم سالىندى. كومىر دەپارتامەنتىنىڭ ينجەنەرلەرى ءۇشىن ءتيىستى جۇمىستى ورىنداۋعا بارلىق قاجەتتى جاعداي جاسالىپ وتىرعاندىعىن باسشىلىق تاراپى اتاپ ءوتتى»،—دەلىنگەن حابارلامادا.
ەستەرىڭىزگە سالا كەتەيىك، 28 قازاندا قاراعاندىداعى كوستەنكو كومىر شاحتاسىندا جارىلىس بولىپ، 46 جۇمىسشى قازا تاپقان بولاتىن. اپات كەزىندە شاحتادا 252 ادام بولعان، جەر بەتىنە 205 شاحتەر شىعارىلدى.
