قاراعاندىدا شاحتا اپاتىنان قايتىس بولعان كەنشىلەرگە ارناپ ەسكەرتكىش ورناتىلادى، دەپ حابارلايدى "ادىرنا" ءتىلشىسى.
2023 جىلدىڭ 28 قازانىندا كوستەنكو اتىنداعى شاحتادا جارىلىس بولىپ، 46 كەنشى قازا تاپتى.
ال قايتىس بولعان كەنشىلەردىڭ تۋىستارى پرەزيدەنتتەن كومەك سۇراپ، بەينە ۇندەۋ جاساعان ەدى.
بۇگىندە كەنشىلەردىڭ قۇرمەتىنە ورناتىلاتىن ەسكەرتكىشتىڭ جوباسى تانىستىرىلدى.
"قازا تاپقان كەنشىلەردىڭ وتباسىلارىمەن كەزدەسۋ وتكىزدى. ءبىزدىڭ كومپانيا مونۋمەنت سالۋعا قاراجات ءبولۋ تۋرالى تۇبەگەيلى شەشىم قابىلدادى", - دەدى" Qarmet" اق ەڭبەك قاتىناستارى جونىندەگى ديرەكتورى ەربولات ءدۇيسىپوۆ.
مەموريالدىڭ جوباسىن اششىرلەپ، ۇسىنۋ ايگىلى ءمۇسىنشى يگور باگراموۆكە بۇيىردى.
"قازىر ءبىز ماكەت، جوبا، ەسكيزدەر ۇسىندىق. ونىڭ قاي جەردە ورناتىلاتىنى تالقىلانۋدا", - دەپ ءتۇسىندىردى ءمۇسىنشى.
