Qarmet басшылығы «Костенко» шахтасында көмір өндірісін бастауға тыйым салды. Бұл туралы компанияның баспасөз қызметі жазды, деп хабарлайды «Адырна» тілшісі.
«Трагедияның қайталану ықтималдығы әбден жойылғанға дейін шахтада өндірісті қайта бастауға тыйым салынды. Көмір департаментінің инженерлері үшін тиісті жұмысты орындауға барлық қажетті жағдай жасалып отырғандығын басшылық тарапы атап өтті»,—делінген хабарламада.
Естеріңізге сала кетейік, 28 қазанда Қарағандыдағы Костенко көмір шахтасында жарылыс болып, 46 жұмысшы қаза тапқан болатын. Апат кезінде шахтада 252 адам болған, жер бетіне 205 шахтер шығарылды.
