قاراعاندىداعى كوستەنكو شاحتاسىندا مەرت بولعان شاحتەرلەردىڭ تۋىستارى ۇندەۋ جاسادى، دەپ حابارلايدى "ادىرنا" ۇلتتىق پورتالى. بۇل تۋرالى جان احماديەۆ ءوزىنىڭ الەۋمەتتىك جەلىدەگى پاراقشاسىندا ءبولىستى.
قازا تاپقان شاحتەرلەردىڭ ءبىرىنىڭ تۋىسى ۆيدەوحابارلاما ءتۇسىرىپ، بيلىك تاراپىنان ۋادە ەتىلگەن قاراجاتتىڭ بەرىلمەگەنىن، كومەك قولىن سوزعان كومپانيا اكىمدىك قورىنا بەرگەندەرىن ايتىپ، ءالى اقشالاي كومەككە قول جەتكىزە الماي وتىرعاندارىن بايانداعان.
"قايعى كەشىپ وتىرعان وتباسىلاردىڭ كوبىنىڭ جاعدايى ناشار. ءبىرى كوپبالالى، ءبىرىنىڭ بالالارىنىڭ دەنساۋلىعىنىڭ اقاۋلىقتارى بار تاعىسىن-تاعى. ءبىز 400 ميلليون تەڭگە بولگەن كومپانياعا حابارلاسىپ قاراجات سۇراعانىمىزدا، اكىمدىككە اۋداردىق دەدى. ال اكىمدىك جاۋاپسىز قالىپ وتىر", دەدى ۆيدەوداعى ايەل.
پوسموترەت ەتۋ پۋبليكاتسيۋ ۆ Instagram
ەسكە سالا كەتەيىك، بارلىق 46 وتباسىن بجزق-دان جەرلەۋگە بىرجولعى تولەم بەرىلگەن بولاتىن. كامەلەتكە تولماعان جانە 23 جاسقا دەيىنگى جوعارى وقۋ ورىندارىندا وقيتىن بالالارى بار 20 وتباسىنا اسىراۋشىسىنان ايرىلۋ جاعدايى بويىنشا مەملەكەتتىك الەۋمەتتىك جاردەماقى تاعايىندالدى.
مەملەكەت قازا تاپقان كەنشىلەردىڭ وتباسىلارىنا ءارى قاراي دا قولداۋ كورسەتەدى دەپ سەندىردى. "ارسەلورميتتال تەمىرتاۋ" كومپانياسى ءوز تاراپىنان 44 وتباسىعا 10 جىلدىق جالاقى تولەيتىندەرىن ايتتى. قازا تاپقان كەنشىلەردىڭ، ولاردىڭ جۇبايىنىڭ، اتا-انالارى مەن بالالارىنىڭ نەسيەلەرى وتەلەتىنى تاعى ايتىلدى. سونداي-اق، جۇمىس بەرۋشى ءار وتباسى مۇشەسىنە كەمىندە 18 شارشى مەتر بولاتىن پاتەر ساتىپ اپەرەتىنى ايتىلعان بولاتىن
