وزبەكستاندا جوگوركۋ كەنەشتىڭ (قىرعىزستان پارلامەنتى) دەپۋتاتى ەميل جامگىرچيەۆكە قاتىستى ەكى قىلمىستىق ءىس قوزعالدى. بۇل تۋرالى پارلامەنت وتىرىسىندا ۇلتتىق قاۋىپسىزدىك مەملەكەتتىك كوميتەتىنىڭ (ۇقك) باسشىسى قامشىبەك تاشيەۆ ءمالىم ەتتى، دەپ حابارلايدى “ادىرنا” پورتالى 24.kg-عا سىلتەپ.
تاشيەۆتىڭ ايتۋىنشا، جاۋاپ الۋ كەزىندە وزبەك كاسىپكەرى ساليم ابدۋۆاليەۆ «قىرعىزستان شەنەۋنىكتەرىنىڭ اراسىندا ءتارتىپ ورناتۋعا كومەك سۇراعان» جامگىرچيەۆپەن كەزدەسكەنىن راستادى.
«وعان ءسالىمباي ونىڭ ابىرويى قىرعىزستانعا اسەر ەتپەيدى دەپ جاۋاپ بەردى. سوسىن جامعىرچيەۆ ابدۋۆاليەۆتىڭ كومەكشىسىن الداپ كەتكەنى بەلگىلى بولدى. قوناقۇيدە بىرنەشە كۇن تۇرىپ، اقشاسىن تولەمەي كەتىپ قالعان.
سوندىقتان وزبەكستان ەكى ءىس قوزعادى: ءبىرى «الاياقتىق»، ەكىنشىسى - «مەملەكەتتىك شەكارانى زاڭسىز كەسىپ ءوتۋ» بابى بويىنشا»، - دەدى قىرعىزستان ۇلتتىق قاۋىپسىزدىك مەملەكەتتىك كوميتەتىنىڭ باسشىسى.
بۇعان دەيىن ابدۋۆاليەۆپەن كەزدەسۋ ءۇشىن جامعىرچيەۆ قىرعىز-وزبەك مەملەكەتتىك شەكاراسىن ەكى رەت زاڭسىز كەسىپ وتكەنى حابارلانعان بولاتىن. 2023 جىلدىڭ جەلتوقسان ايىنىڭ سوڭىندا قىرعىزستاننىڭ باس پروكۋراتۋراسى جامگىرچيەۆتى قىلمىستىق جاۋاپكەرشىلىككە تارتۋعا كەلىسىم بەرۋدى سۇراپ پارلامەنتكە ۇسىنىس جولداعان. 10 قاڭتاردا دەپۋتاتتار قولداپ داۋىس بەردى. الايدا ءبىر كۇن بۇرىن ولاردىڭ ارىپتەسى پارلامەنت عيماراتىنىڭ ەكىنشى قاباتىنداعى كەڭسە تەرەزەسىنەن سەكىرىپ قاشىپ كەتكەن.
