Ózbekstanda Jogorký Keneshtiń (Qyrǵyzstan parlamenti) depýtaty Emıl Jamgyrchıevke qatysty eki qylmystyq is qozǵaldy. Bul týraly parlament otyrysynda Ulttyq qaýipsizdik memlekettik komıtetiniń (UQK) basshysy Qamshybek Tashıev málim etti, dep habarlaıdy “Adyrna” portaly 24.kg-ǵa siltep.
Tashıevtiń aıtýynsha, jaýap alý kezinde ózbek kásipkeri Salım Abdývalıev «Qyrǵyzstan sheneýnikteriniń arasynda tártip ornatýǵa kómek suraǵan» Jamgyrchıevpen kezdeskenin rastady.
«Oǵan Sálimbaı onyń abyroıy Qyrǵyzstanǵa áser etpeıdi dep jaýap berdi. Sosyn Jamǵyrchıev Abdývalıevtiń kómekshisin aldap ketkeni belgili boldy. Qonaqúıde birneshe kún turyp, aqshasyn tólemeı ketip qalǵan.
Sondyqtan Ózbekstan eki is qozǵady: biri «Alaıaqtyq», ekinshisi - «Memlekettik shekarany zańsyz kesip ótý» baby boıynsha», - dedi Qyrǵyzstan Ulttyq qaýipsizdik memlekettik komıtetiniń basshysy.
Buǵan deıin Abdývalıevpen kezdesý úshin Jamǵyrchıev qyrǵyz-ózbek memlekettik shekarasyn eki ret zańsyz kesip ótkeni habarlanǵan bolatyn. 2023 jyldyń jeltoqsan aıynyń sońynda Qyrǵyzstannyń Bas prokýratýrasy Jamgyrchıevti qylmystyq jaýapkershilikke tartýǵa kelisim berýdi surap parlamentke usynys joldaǵan. 10 qańtarda depýtattar qoldap daýys berdi. Alaıda bir kún buryn olardyń áriptesi parlament ǵımaratynyń ekinshi qabatyndaǵy keńse terezesinen sekirip qashyp ketken.
