Өзбекстанда Жогорку Кенештің (Қырғызстан парламенті) депутаты Эмиль Жамгырчиевке қатысты екі қылмыстық іс қозғалды. Бұл туралы парламент отырысында Ұлттық қауіпсіздік мемлекеттік комитетінің (ҰҚК) басшысы Қамшыбек Ташиев мәлім етті, деп хабарлайды “Адырна” порталы 24.kg-ға сілтеп.
Ташиевтің айтуынша, жауап алу кезінде өзбек кәсіпкері Салим Абдувалиев «Қырғызстан шенеуніктерінің арасында тәртіп орнатуға көмек сұраған» Жамгырчиевпен кездескенін растады.
«Оған Сәлімбай оның абыройы Қырғызстанға әсер етпейді деп жауап берді. Сосын Жамғырчиев Абдувалиевтің көмекшісін алдап кеткені белгілі болды. Қонақүйде бірнеше күн тұрып, ақшасын төлемей кетіп қалған.
Сондықтан Өзбекстан екі іс қозғады: бірі «Алаяқтық», екіншісі - «Мемлекеттік шекараны заңсыз кесіп өту» бабы бойынша», - деді Қырғызстан Ұлттық қауіпсіздік мемлекеттік комитетінің басшысы.
Бұған дейін Абдувалиевпен кездесу үшін Жамғырчиев қырғыз-өзбек мемлекеттік шекарасын екі рет заңсыз кесіп өткені хабарланған болатын. 2023 жылдың желтоқсан айының соңында Қырғызстанның Бас прокуратурасы Жамгырчиевті қылмыстық жауапкершілікке тартуға келісім беруді сұрап парламентке ұсыныс жолдаған. 10 қаңтарда депутаттар қолдап дауыс берді. Алайда бір күн бұрын олардың әріптесі парламент ғимаратының екінші қабатындағы кеңсе терезесінен секіріп қашып кеткен.
