Burynǵy senator, bas prokýror Qaırat Qojamjarovtyń burynǵy qol astyndaǵy qyzmetkeri «Qorǵas isi» boıynsha qamaýǵa alyndy, dep habarlaıdy "Adyrna" ulttyq portaly QazTag-qa silteme jasap.
"Keshe, 8 qańtar Sybaılas jemqorlyqqa qarsy is-qımyl agenttiginiń Almaty qalalyq departamentiniń burynǵy qyzmetkeri Kenjebaı Jumabekov "Qorǵas isi" boıynsha qatysýshy ári oryndaýshysy retinde qamaýǵa alyndy", - delingen habarlamada.
Derekkózdiń aıtýynsha, Jumabekov qarjy polıııasynyń burynǵy agenti, Qańtar oqıǵasy boıynsha aıyptalýshy, «Beton» laqap aty bar Talǵat Mahatovtyń jaqyn dosy.
Esterińizge sala keteıik, 2023 jyldyń 11 jeltoqsanynda Qojamjarovtyń qol astyndaǵy qarjy polıııasynyń burynǵy qyzmetkeri Ulan Mádıev «Qorǵas isi» boıynsha kúdikti dep tanylǵan qyzdardyń zorlanýyna baılanysty ustalǵan bolatyn. Materıaldarda Mádıevtiń, qarjy polıııasynyń burynǵy joǵary laýazymdy qyzmetkeri Talǵat Tatýbaevtyń jáne Almaty oblystyq qarjy polıııasy departamentiniń burynǵy basshysy Sergeı Potanınniń esimderi bar.
Bir qyzyǵy, Qorǵastaǵy kontrabandanyń benefııarlary retinde Mádıev, Tatýbaev jáne Almaty qalasy boıynsha qarjy polıııasynyń burynǵy bastyǵy Maqsat Dúısenov jaı ǵana atalsa, Qojamjarovtyń ózi osy qylmystyq shemalardyń negizgi paıda alýshysy dep atalady.
Mádıevtiń ustalǵany týraly materıal jarııalanar aldynda Almatynyń Naýryzbaı aýdanynyń eks-prokýrory jalǵan is boıynsha sottalǵan jáne Joǵarǵy sot aqtap shyqqan Vıktor Tıhonov Qojamjarovtyń qaramaǵyndaǵylardyń «Qorǵas isi» boıynsha basty kýágerdi óltirýge qatysy bar bolýy múmkin ekenin atap ótken bolatyn.
Aıta keteıik, 2023 jyldyń 15 jeltoqsanynda atyshýly «Qorǵas isi» boıynsha tergeýdiń qaıta bastalǵany resmı túrde rastaldy.
"Adyrna" ulttyq portaly
