قازاق ۇلتتىق قىزدار پەداگوگيكالىق ۋنيۆەرسيتەتىنىڭ فيزيولوگ-گەنەتيكتەرى الماتى قالاسىنىڭ اۋاسىن زياندى زاتتاردان تازارتۋدىڭ يننوۆاتسيالىق ءادىسىن تاپتى، دەپ حابارلايدى "ادىرنا" ۇلتتىق پورتالى قر عىلىم جانە جوعارى ءبىلىم مينيسترلىگىنىڭ ءباسپاسوز قىزمەتىنە سىلتەمە جاساپ.
قالا تۇرعىندارىنىڭ ەكولوگياسى مەن دەنساۋلىعىن جاقسارتۋعا باعىتتالعان جوبا وسى كوكتەمگى ماۋسىمدا ۋنيۆەرسيتەتتىڭ قارجىلاندىرۋىنىڭ ارقاسىندا عىلىمي-وندىرىستىك كەزەڭگە وتەدى.
جوبا جەتەكشىسى، گەنەتيك اسقار كالەكەشوۆ زەرتتەۋدىڭ ءبىرىنشى كەزەڭى زياندى زاتتاردى ءتيىمدى سىڭىرە الاتىن وسىمدىكتەردى ءوسىرۋ بولاتىنىن ايتتى. سودان كەيىن بۇل وسىمدىكتەر الماتىنىڭ تىعىز قونىستانعان اۋداندارىندا، جەرگىلىكتى بيلىكپەن الدىن الا كەلىسىلگەننەن كەيىن ورنالاستىرىلادى.
ء"بىز وسىمدىكتەردەن اۋانى ءتيىمدى ءسۇزىپ، ونىڭ ساپاسىن جاقسارتا الاتىن جاسىل ارالدار قۇرۋدى جوسپارلاپ وتىرمىز. بۇل ءتاسىل ءتيىمدى عانا ەمەس، سونىمەن قاتار ەكولوگيالىق تازا، ويتكەنى وسىمدىكتەر تابيعي سۇزگىلەر بولا وتىرىپ، قورشاعان ورتانىڭ جاعدايىن ەداۋىر جاقسارتا الادى", - دەپ اتاپ ءوتتى عالىم.
عىلىمي زەرتتەۋلەر الماتىدان 25 شاقىرىم جەردە ورنالاسقان كولدي اگروبيوستانتسياسىنىڭ بازاسىندا جۇرگىزىلەتىن بولادى.
"ادىرنا" ۇلتتىق پورتالى
