Qazaq ūlttyq qyzdar pedagogikalyq universitetınıŋ fiziolog-genetikterı Almaty qalasynyŋ auasyn ziiandy zattardan tazartudyŋ innovasiialyq ädısın tapty, dep habarlaidy "Adyrna" ūlttyq portaly QR Ǧylym jäne joǧary bılım ministrlıgınıŋ baspasöz qyzmetıne sılteme jasap.
Qala tūrǧyndarynyŋ ekologiiasy men densaulyǧyn jaqsartuǧa baǧyttalǧan joba osy köktemgı mausymda universitettıŋ qarjylandyruynyŋ arqasynda ǧylymi-öndırıstık kezeŋge ötedı. Joba jetekşısı, genetik Asqar Kalekeşov zertteudıŋ bırınşı kezeŋı ziiandy zattardy tiımdı sıŋıre alatyn ösımdıkterdı ösıru bolatynyn aitty. Sodan keiın būl ösımdıkter Almatynyŋ tyǧyz qonystanǧan audandarynda, jergılıktı bilıkpen aldyn ala kelısılgennen keiın ornalastyrylady. "Bız ösımdıkterden auany tiımdı süzıp, onyŋ sapasyn jaqsarta alatyn jasyl araldar qūrudy josparlap otyrmyz. Būl täsıl tiımdı ǧana emes, sonymen qatar ekologiialyq taza, öitkenı ösımdıkter tabiǧi süzgıler bola otyryp, qorşaǧan ortanyŋ jaǧdaiyn edäuır jaqsarta alady", - dep atap öttı ǧalym. Ǧylymi zertteuler Almatydan 25 şaqyrym jerde ornalasqan Koldi agrobiostansiiasynyŋ bazasynda jürgızıletın bolady."Adyrna" ūlttyq portaly
Ūqsas jaŋalyqtar
