ونەركاسىپ جانە قۇرىلىس مينيسترلىگىنىڭ حابارلاۋىنشا، سوڭعى 10 جىلدا ۇلتتىق بانك قورىنا 550 توننا تازارتىلعان التىن ساتىپ الىندى، دەپ حابارلايدى "ادىرنا" ۇلتتىق پورتالى قازاقپارات سايتىنا سىلتەمە جاساي وتىرىپ.
"ەلىمىزدە 2011 جىلعا دەيىن وڭدەلگەن بارلىق التىن ەكسپورتتالدى. 2011 جىلدان 2015 جىلعا دەيىن التىن ەكسپورتىنا ۋاقىتشا شەكتەۋ ەنگىزىلدى. 2011-2015 جىلدارى 229,62 توننا شيكى التىن قابىلدانىپ، ەكسپورتقا 64,24 توننا جىبەرىلدى. ۇلتتىق بانككە 110 تونناعا جۋىق تازارتىلعان التىن بەرىلدى", - دەپ حابارلادى ۆەدومستۆودان.
ونەركاسىپ مينيسترلىگىنىڭ مالىمەتىنشە، "باعالى مەتالدار جانە اسىل تاستار تۋرالى" زاڭعا سايكەس 2016 جىلدان باستاپ ۇلتتىق بانكتىڭ تازارتىلعان التىندى ساتىپ الۋعا باسىم قۇقىعى بار.
"2011-2022 جىلدارى ۇلتتىق بانك ءۇشىن 550 تونناعا جۋىق تازارتىلعان التىن ساتىپ الىندى. جىل سايىن ەلىمىزدە 1000 توننادان استام كۇمىس وڭدەلەدى، شامامەن 990 توننا ەكسپورتقا جىبەرىلەدى، - دەپ ناقتىلادى مينيسترلىك.
"ادىرنا" ۇلتتىق پورتالى
